கிக் படத்தின் மேக்கிங் வீடியோ வெளியீடு
ஏஜென்ட் கண்ணாயிரம் படத்தை அடுத்து பிரசாந்த் ராஜ் இயக்கத்தில் சந்தானம் நாயகனாக நடித்து வரும் புதிய படம் கிக். இந்த படத்தில் அவருக்கு ஜோடியாக தன்யா ஹோப் நடிக்க, செந்தில், கோவை சரளா, ஒய்.ஜி. மகேந்திரன், மன்சூர் அலிகான், பிரம்மானந்தம் உள்ளிட்ட பலரும் முக்கிய வேடங்களில் நடிக்கிறார்கள். ஆக்சன் கலந்த காமெடி கதையில் உருவாகி உள்ள இந்த படத்தின் இறுதிகட்டப் படப்பிடிப்பு தற்போது நடைபெற்று வருகிறது. இதுவரை சந்தானம் நடித்த படங்களில் இந்த படம் பிரமாண்ட பட்ஜெட்டில் உருவாகியுள்ளது. அதிரடியான ஆக்சன் காட்சிகளோடு வயிறு குலுங்க சிரிக்க வைக்கும் நகைச்சுவை காட்சிகள் நிறைந்த இந்த கிக் படத்தின் மேக்கிங் வீடியோ ஒன்றை தற்போது படக்குழு வெளியிட்டுள்ளது. அந்த வீடியோ சோசியல் மீடியாவில் வைரலாகி வருகிறது.