சரவணன் மீனாட்சி உள்ளிட்ட சின்னத்திரை தொடர்கள் மூலம் பிரபலமானவர் கவின். இதனையடுத்து கமல் தொகுத்து வழங்கிய பிக்பாஸ் நிகழ்ச்சியில் போட்டியாளராக கலந்து கொண்டார். மூன்றாவது சீசனில் போட்டியாளராக நுழைந்த இவருக்கென்று தனியொரு ரசிகர்கள் பட்டாளமே உருவானது.
பிக்பாஸ் நிகழ்ச்சிக்கு பின் கவின் நடிப்பில் ‘லிப்ட்’ என்ற படம் வெளியானது. ஹாரர் த்ரில்லர் படமாக வெளியான ‘லிப்ட்’ ரசிகர்கள் மத்தியில் வரவேற்பை பெற்றது. இதனையடுத்து ஆகாச வாணி என்ற வெப்சீரிஸ் ஒன்றிலும் நடித்தார். இந்த தொடரும் ஹிட்டடித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தை தொடர்ந்து தற்போது கவின் நடிப்பில் ‘டாடா’ என்ற படத்தில் நடித்துள்ளார். அறிமுக இயக்குனர் கணேஷ் பாபு இயக்கியுள்ள இந்தப்படத்தை ரெட் ஜெயண்ட் மூவிஸ் நிறுவனம் வெளியிட்டுள்ளது. நேற்றைய தினம் வெளியாகியுள்ள ‘டாடா’ படம் பாசிட்டிவ் விமர்சனங்களை குவித்து வருகிறது. அபர்ணா தாஸ், பாக்யராஜ், ஐஸ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஷ் உள்ளிட்டோர் முக்கிய வேடங்களில் நடித்துள்ளனர்.
ஏற்கனவே தமிழ் சினிமா பார்த்துப்ப கதைக்கு சிறப்பான திரைக்கதை அமைத்து ஜனரஞ்சகமான படமாக கொடுத்துள்ளார் அறிமுக இயக்குனர் கணேஷ் பாபு. தந்தைக்கும் மகனுக்குமான சென்டிமென்ட் காட்சிகளும், நாயகனுக்கும் நாயகிக்குமான காட்சிகளை மிகவும் எதார்த்தமாக அமைத்து பீல் குட் மூவியாக ‘டாடா’ இருப்பதாக படத்தை பார்த்த ரசிகர்கள் பாசிட்டிவ் விமர்சனங்களை குவித்து வருகின்றன.
Thangalaan: பல நூறு வருடங்கள் கழித்து.. மாஸ் காட்டும் ‘தங்கலான்’ பட நடிகை.!
இந்நிலையில் நேற்றைய தினம் வெளியாகி வரவேற்பை பெற்று வரும் ‘டாடா’ பட இயக்குனர் கணேஷ் கே. பாபுவிற்கு அடுத்தப் பட வாய்ப்பு கிடைத்துள்ளது. லைகா புரொடக்சன்ஸ் தயாரிக்கும் அடுத்த படத்தை கணேஷ்.கே.பாபு இயக்கவிருக்கிறார். இதற்கான அதிகாரப்பூர்வ அறிவிப்பை லைக்கா நிறுவனம் தனது ட்விட்டர் பக்கத்தில் வெளியிட்டுள்ளது.
5 மாநிலங்களில் 5 ஆடம்பர பங்களா.?: தனது சொத்து மதிப்பு குறித்து ராஷ்மிகா கொடுத்த அதிர்ச்சி.!
‘டாடா’ படம் வெளியான அன்றே கணேஷ் பாபுவிற்கு அடுத்த பட வாய்ப்பு கிடைத்துள்ளது ரசிகர்கள் மத்தியில் ஆச்சரியத்தை அளித்துள்ளது. மேலும் இந்தப்படத்தில் நடிக்கவுள்ள நடிகர், நடிகைகள் குறித்த அறிவிப்பு விரைவில் வெளியாகும் என எதிர்பார்க்கப்படுகிறது.