தமிழ் சினிமாவில் ராஜா ராணி என்ற படத்தின் மூலம் இயக்குனராக அறிமுகமானார் அட்லீ. அப்படம் மிகப்பெரிய வெற்றியை பெற்றது. முதல் படமே மிகப்பெரிய வெற்றியை பெற்றதை அடுத்து தன் இரண்டாவது படத்திலேயே விஜய்யை இயக்கும் வாய்ப்பை பெற்றார் அட்லீ. தெறி படத்தின் மூலம் இணைந்த விஜய் மற்றும் அட்லீ கூட்டணி தமிழ் சினிமாவில் வெற்றி கூட்டணியாக வலம் வர துவங்கியது.
தெறி, மெர்சல், பிகில் என விஜய்யை வைத்து ஹாட்ரிக் வெற்றியை பதிவு செய்த அட்லீ தளபதியின் ஆஸ்தான இயக்குனராக மாறினார். விஜய்யின் மார்க்கெட் இந்தளவிற்கு உயர்ந்துள்ளது என்றால் அதற்கு அட்லீயும் ஒரு காரணம் எனலாம். விஜய்யை வைத்து அட்லீ இயக்கிய மூன்று படங்களும் என்னதான் விமர்சன ரீதியாக முன்ன பின்ன இருந்தாலும் வசூல் ரீதியாக மிகப்பெரிய வெற்றியை பெற்ற படமாக உருவெடுத்தது.
ஜவான் ட்ரைலர்
இதையடுத்து விஜய்யின் சம்பளம் படத்திற்கு படம் உயர துவங்கியது. இந்நிலையில் தமிழில் தொடர்ந்து படங்களை இயக்கி வந்த அட்லீ தற்போது ஜவான் படத்தின் மூலம் பாலிவுட் திரையுலகில் அறிமுகமாகிறார். ஷாருக்கானின் நடிப்பில் உருவாகும் இப்படத்தை மிகப்பிரமாண்டமாக அட்லீ எடுத்து வருகின்றார்.
Jailer: ரஜினிக்கு செய்து கொடுத்த சத்தியத்தை காப்பாற்றிய நெல்சன்.அசந்துபோன தலைவர்..!
நயன்தாரா நாயகியாக நடிக்க விஜய் சேதுபதி இப்படத்தில் வில்லனாக நடிக்கின்றார். மேலும் அனிருத் இப்படத்திற்கு இசையமைத்து வருகின்றார். என்னதான் ஜவான் பாலிவுட் படமாக இருந்தாலும் தமிழ் சினிமாவை சேர்ந்த பலர் இப்படத்தில் பணியாற்றி வருகின்றனர். எனவே தமிழ் ரசிகர்களும் இப்படத்தை ஆவலாக எதிர்பார்த்து காத்துக்கொண்டிருக்கின்றனர்.
இந்நிலையில் ஜவான் திரைப்படம் தற்போது இறுதிக்கட்டத்தை எட்டியுள்ள நிலையில் செப்டம்பர் 7 ஆம் தேதி இப்படம் திரையில் வெளியாகின்றது. இதையடுத்து இப்படத்தின் ட்ரைலர் விரைவில் வெளியாக இருப்பதாக தகவல்கள் வந்த நிலையில் ஜவான் படத்தின் தமிழ் ட்ரைலரை நடிகர் விஜய் வெளியிட இருப்பதாக பேசப்பட்டு வருகின்றது.
ஏற்கனவே ஜவான் படத்தில் விஜய் சிறப்பு தோற்றத்தில் நடிப்பதாக தகவல்கள் வந்தன.அட்லீ கேட்டுக்கொண்டதாலும் ஷாருக்கான் விஜய்க்கு நெருக்கமான நண்பர் என்பதாலும் இவர்கள் கேட்டுக்கொண்டதால் ஜவான் படத்தில் விஜய் சிறப்பு தோற்றத்தில் வருவார் என எதிர்பார்க்கப்பட்டது.
வெளியிடும் விஜய்
ஆனால் இதைப்பற்றி அதன் பிறகு எந்த ஒரு தகவலும் வரவில்லை. இந்நிலையில் தற்போது விஜய் ஜவான் படத்தின் ட்ரைலரை வெளியிடுகிறார் என்றவுடன் மீண்டும் இந்த பேச்சு ரசிகர்கள் மத்தியில் போய்க்கொண்டிருக்கிறது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
குறிப்பாக ஜவான் ட்ரைலரில் விஜய் வர வாய்ப்பிருப்பதாக சில ரசிகர்கள் பேசி வருகின்றனர்.ஒருவேளை ஜவான் படத்தில் விஜய் சிறப்பு தோற்றத்தில் வந்தால் அது ரசிகர்களுக்கு செம ட்ரீட்டாக இருக்கும் என்பதில் எந்த சதேகமும் இல்லை என்பது குறிப்பிடத்தக்கது.