அதிமுகவின் பொதுச்செயலாளராக
யை தேர்தல் ஆணையம் அங்கீகரித்துள்ளது. கடந்த ஆண்டு இதே தினத்தில் தான் அதிமுகவிலிருந்து ஓ.பன்னீர் செல்வம் மற்றும் அவரது ஆதரவாளர்களை கட்சியிலிருந்து நீக்கினார் எடப்பாடி பழனிசாமி.
அதைத்தொடர்ந்து நடைபெற்ற சட்டப் போராட்டத்திலும் எடப்பாடி பழனிசாமியே வெற்றி பெற்று, பொதுச் செயலாளர் தேர்தல் நடத்தி அதிலும் வெற்றி பெற்று அதிமுகவின் உச்ச பட்ச பதவியான பொதுச் செயலாளர் பதவியில் அமர்ந்தார்.
இதற்கு இடைப்பட்ட காலத்தொல் ஓபிஎஸ் அணியிலிருந்து பலர் விலகி எடப்பாடி பழனிசாமியின் தலைமையை ஏற்று அதிமுகவில் மீண்டும் இணைந்தனர். வைத்தியலிங்கம், மனோஜ்பாண்டியன், ஜேசிடி பிரபாகரன், பண்ருட்டி ராமச்சந்திரன், புகழேந்தி உள்ளிட்டவர்கள் தொடர்ந்து ஓபிஎஸ் உடன் பயணித்து வருகின்றனர்.
இந்த சூழலில் இன்று எடப்பாடி பழனிசாமி வெளியிட்டுள்ள அறிக்கையில், “கட்சியின் கொள்கை – குறிக்கோள்களுக்கும், கோட்பாடுகளுக்கும் முரணான வகையில் செயல்படுபவர்கள் மீது ஒழுங்கு நடவடிக்கை எடுக்கப்பட்டவர்கள், தாங்கள் செய்த தவறை உணர்ந்து மீண்டும் கட்சியில் சேருவதாக இருந்தால், அத்தகையவர்கள் கட்சியின் பொதுச் செயலாளருக்கு மன்னிப்புக் கடிதம் கொடுத்து, மீண்டும் கட்சியில் சேர்த்துக்கொள்ளப்பட்டதாக அறிவிப்பு வெளியிடப்பட்டவர்களும், கட்சியின் பொதுச் செயலாளரை நேரில் சந்தித்து மன்னிப்புக் கடிதம் வழங்கி மீண்டும் கட்சியில் சேருபவர்களும் மட்டுமே கட்சி உறுப்பினர்களாக கருதப்படுவர்.
எம்ஜிஆர், ஜெயலலிதா ஆகியோர் காலந்தொட்டு இந்த நடைமுறைதான் பின்பற்றப்பட்டு வருகிறது. ஆகவே, கட்சியில் இருந்து நீக்கி வைக்கப்பட்டவர்கள் மீண்டும் கட்சியில் சேருவதாக இருந்தால், மேற்கண்ட நடைமுறைகளை கண்டிப்பாக பின்பற்ற வேண்டும் என்று கேட்டுக் கொள்கிறேன்” என்று அவர் கூறியுள்ளார்.
எந்த தேர்தல் வந்தாலும் இனி எடப்பாடி தான் முதல்வர்
இதன்மூலம் தன்னிடம் மன்னிப்பு கேட்டு கட்சியில் இணைந்து கொள்ளுங்கள் என எடப்பாடி பழனிசாமி அழைப்பு விடுக்கிறார். இதை ஏற்று பெரிய தலைகள் உடனடியாக அந்த பக்கம் மாறுகிறதோ இல்லையோ கீழ்மட்ட நிர்வாகிகள் எடப்பாடி பழனிசாமி பக்கம் மாற அதிக வாய்ப்பு உண்டு. அதைத் தொடர்ந்து அவர்களும் ஒரு முடிவெடுக்க வேண்டிய நிலைக்கு தள்ளப்படுவார்கள் என்று கூறப்படுகிறது.