‛ஓ மை காட் 2' படத்திற்கு தணிக்கை குழு சான்றிதழ் மறுப்பு
அக்ஷய்குமார் நடிப்பில் அடுத்து வெளிவர இருக்கும் படம் ஓஎம்ஜி (ஓ மை காட்) 2. அக்ஷய்குமாருடன் யாமி கவுதம், பங்கஜ் திரிபாதி, அருண் கோவ்லி உள்பட பலர் நடித்துள்ளனர். அமித் ராய் இயக்கி உள்ளார். வருகிற ஆகஸ்ட் 11ம் தேதி வெளிவருவதாக அறிவிக்கப்பட்டுள்ளது.
படத்தை சமீபத்தில் தணிக்கை குழுவுக்கு அனுப்பினர். படத்தை பார்த்த தணிக்கை குழுவினர் சர்ச்சை காட்சிகள் இருப்பதால் சான்றிதழ் தர மறுத்து விட்டதாக கூறப்படுகிறது. மேலும் படத்தை மேல் முறையீட்டு குழுவுக்கு அனுப்பும்படி அறிவுறுத்தி இருப்பதாக கூறப்படுகிறது.
படத்தை மறு தணிக்கைக்கு மேல் முறையீடு செய்கிறது தயாரிப்பு நிறுவனம். அங்கு சில கட்டுகளுடன் சான்றிதழ் வழங்கப்படலாம் என்று தெரிகிறது. படத்தில் அக்ஷய்குமார் சிவன் வேடத்தில் நடித்திருக்கும் சில காட்சிகள் பக்தர்கள் மனதை புண்படுத்தலாம் என்பதால் தணிக்கை சான்றிதழ் மறுக்கப்பட்டிருப்பதாக கூறப்படுகிறது.