விடாமுயற்சிதுணிவு படத்தின் வெற்றிக்கு பிறகு அஜித் மகிழ் திருமேனியின் இயக்கத்தில் அனிருத்தின் இசையில் உருவாகும் விடாமுயற்சி படத்தில் நடிக்கவுள்ளார். இப்படத்தை லைக்கா நிறுவனம் தயாரிக்க இருக்கின்றது. இதன் அதிகாரபூர்வ அறிவிப்பு அஜித்தின் பிறந்தநாளான மே 1 ஆம் தேதி வெளியான நிலையில் இன்றளவும் படப்பிடிப்பு துவங்காமலே இருக்கின்றது. இதன் காரணமாக அஜித் ரசிகர்கள் சற்று வருத்தத்தில் இருகின்றனர். மேலும் இணையத்தில் விடாமுயற்சி பற்றி பல வதந்திகள் உலா வருகின்றன. எனவே விடாமுயற்சி படம் நடக்குமா ? நடக்காதா ? என்ற கவலையில் அஜித் ரசிகர்கள் இருந்து வருகின்றனர். ஆனால் விடாமுயற்சி திரைப்படம் கண்டிப்பாக நடக்கும் என்றே கோலிவுட் வட்டாரத்தில் பேசப்பட்டு வருகின்றது
சென்னை திரும்பிய அஜித்சமீபத்தில் அஜித் வெளிநாட்டிற்கு சென்றுவிட்டு சென்னை திரும்பியுள்ளார். இந்த தகவலை கேட்ட ரசிகர்கள் விரைவில் விடாமுயற்சி படத்தின் படப்பிடிப்பில் அஜித் கலந்துகொள்வார் என நம்பியுள்ளனர். அவர்கள் நினைத்தது போலவே விடாமுயற்சி வேலைகளை துவங்க தான் அஜித் விரைந்து சென்னை திரும்பியுள்ளாராம். கதை மற்றும் திரைக்கதை வேலைகளை எல்லாம் மகிழ் திருமேனி முடித்துவிட்ட நிலையில் முழு கதையையும் அஜித் விரைவில் கேட்க இருப்பதாக தகவல்கள் வருகின்றன. இதைத்தொடர்ந்து ஆகஸ்ட் மாதம் 17 ஆம் தேதி விடாமுயற்சி படப்பிடிப்பு புனேவில் துவங்கும் என எதிர்பார்க்கப்படுகின்றதுஅப்டேட் என்ன ?தற்போதைய நிலைப்படி விடாமுயற்சி படத்தின் இயக்குனரான மகிழ் திருமேனி படத்தின் கதை மற்றும் திரைக்கதை வேலைகள் எல்லாவற்றையும் முடித்துவிட்டு தற்போது நடிகர்கள் தேர்வில் ஈடுபட்டு வருகிறாராம். விடாமுயற்சி படத்தில் நடிக்கும் நடிகர்களின் பட்டியலை ரெடி செய்துவிட்ட மகிழ் திருமேனி அதனை லைக்கவிடம் காட்டி ஓகே வாங்க லண்டன் சென்றுள்ளதாக ஒரு தகவல் வந்துள்ளது. லைக்கா நிறுவனம் தற்போது இந்தியன் 2 படவேலைகளுக்காக லண்டனில் இருப்பதால் மகிழ் திருமேனி லண்டன் கிளம்பி சென்றுள்ளார். லைக்கா நிறுவனம் ஓகே சொன்னதும் மளமளவென நடிகர்களை புக் செய்து படப்பிடிப்பை துவங்கிவிடுவார் மகிழ் திருமேனி என எதிர்பார்க்கப்படுகின்றது
த்ரிஷாவிற்கு பதில் தமன்னாஇந்நிலையில் விடாமுயற்சி படத்தின் அறிவிப்பு வந்ததில் இருந்தே இப்படத்தில் த்ரிஷா தான் நாயகியாக நடிக்கப்போகிறார் என பேசப்பட்டு வந்தது. பொன்னியின் செல்வன், லியோ, D50 என அடுத்தடுத்து மிகப்பெரிய படங்களில் நடித்து வரும் த்ரிஷா விடாமுயற்சி படத்தில் அஜித்திற்கு ஜோடியாக நடிப்பார் என எதிர்பார்க்கப்பட்டது. ஆனால் தற்போது வந்த தகவல் என்னவென்றால், த்ரிஷாவிற்கு கால்ஷீட் பிரச்சனை ஏற்பட்டுள்ளதால் அவருக்கு பதிலாக விடாமுயற்சி படத்தில் தமன்னா நடிக்கவுள்ளதாக தகவல் வந்துள்ளது. வீரம் படத்தில் அஜித்துடன் இணைந்து நடித்த தமன்னா தற்போது பல வருடங்களுக்கு பிறகு மீண்டும் அஜித்துடன் நடிக்க இருக்கின்றார். மேலும் தற்போது வெப் தொடர்கள், ஜெயிலர் படம் என செம வைரலாக இருந்து வருகின்றார் தமன்னா என்பது குறிப்பிடத்தக்கது