'ஜெயிலர்' வசூல் வேட்டையால் கொண்டாட்டத்தில் ரஜினி: படக்குழுவினருக்கு அளித்த இன்பதிர்ச்சி.!

‘ஜெயிலர்’ படத்தின் மிகப்பெரிய வெற்றியால் உச்சக்கட்ட மகிழ்ச்சியில் உள்ளார் நடிகர் ரஜினிகாந்த். நெல்சன் திலீப்குமார் இயக்கத்தில் மிகப்பெரிய வரவேற்பை பெற்றுள்ளது. ரூ. 500 கோடி கலெக்ஷனை கடந்து வசூல் வேட்டை நடத்தி வருகிறது ‘ஜெயிலர்’ படம். இதனிடையில் இந்தப்படத்தின் சக்சஸ் மீட்டிங்கும் சத்தமே இல்லாமல் நடந்து முடிந்தது.

‘பேட்ட’ படத்திற்கு பிறகு ஒரு முழு நீள ரஜினி படமாக தான் ‘ஜெயிலர்’ வெளியானது. கார்த்திக் சுப்புராஜ் இயக்கத்தில் பேன் பாய் படமாக வெளியாகி வேறலெவல் வரவேற்பை பெற்றது ‘பேட்ட’. கிட்டத்தட்ட அந்தப்படத்திற்கு பிறகு காட்சிக்கு காட்சி ரஜினிக்கான மாஸ் சீன்களை வைத்து ‘ஜெயிலர்’ படத்தில் அதகளப்படுத்தி உள்ளார் இயக்குனர் நெல்சன் திலீப்குமார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

‘ஜெயிலர்’ படத்தின் இமாலய வெற்றிக்கு இதுதான் முக்கியமான காரணம் என்றே சொல்லலாம். அந்தளவு படத்திற்கு ஒரே மாஸ் சீன்கள் தான். இதனால் படத்திற்கு தமிழ்நாடு மட்டுமல்லாமல் அண்டை மாநிலங்களிலும் வேறலெவல் வரவேற்பு. வெளிநாடுகளிலும் வசூலில் சக்கை போடு போட்டுள்ளது ‘ஜெயிலர்’ படம்.

இதனிடையில் இந்தப்படம் வெளியான ஒரே வாரத்தில் ரூபாய். 375 கோடி வசூலித்து சாதனை படைத்தது. இதன்மூலம் தமிழ் சினிமாவில் ஒரே வாரத்தில் அதிக வசூல் செய்த படம் என்ற வேறலெவல் சம்பவத்தை செய்த்தது. இதனிடையில் ‘ஜெயிலர்’ படம் வெளியாகி இரண்டாவது வாரத்தில் உலகளவில் ரூ. 525 கோடி ரூபாய் வசூலித்தது. சன் பிக்சர்ஸ் நிறுவனம் இதனை அதிகாரப்பூர்வமாக அறிவித்து ரஜினி கிங் மேக்கர் என்ற அறிவிப்பை வெளியிட்டது.

ரூ. 500 கோடியை கடந்த ‘ஜெயிலர்’ பட வசூல்: சத்தமில்லாமல் வெற்றியை கொண்டாடிய ரஜினி.!

இந்த சாதனைகளுக்கு ‘ஜெயிலர்’ சக்சஸ் பார்ட்டி சத்தமில்லாமல் நடந்து முடிந்தது. பிரம்மாண்ட வெற்றியை பெற்ற ‘ஜெயிலர்’ வெற்றி விழா கொண்டாட்டம் சிம்பிளாக நடந்து முடிந்தது ரசிகர்களிடையே ஆச்சரியத்தை அளித்தது. இவ்விழாவில் இயக்குனர் நெல்சன் திலீப்குமார், அவரது உதவி இயக்குனர்களுடன் சூப்பர் ஸ்டார் ரஜினிகாந்தும் பங்கேற்றார்.

இந்நிலையில் ‘ஜெயிலர்’ சக்சஸ் பார்ட்டி குறித்த சுவாரஸ்யமான தகவல் ஒன்று வெளியாகியுள்ளது. அது என்னவென்றால், சன் பிக்சர்ஸ் ஏற்பாடு செய்திருந்த இந்த வெற்றி விழா கொண்டாட்டத்திற்கு ரஜினிக்கும் அழைப்பு விடுக்கப்பட்டுள்ளது. ஆனாலும் வர மாட்டார் என்றுதான் படக்குழுவினர் நினைத்துள்ளனர். ஆனால் திடீரென சக்சஸ் பார்ட்டியில் பங்கேற்று அனைவருக்கும் இன்ப அதிர்ச்சி அளித்துள்ளார் நடிகர் ரஜினிகாந்த். இதனால் ‘ஜெயிலர்’ சக்சஸ் பார்டியில் கலந்துக்கொண்ட அனைவரும் மிகுந்த சந்தோஷத்தில் ஆழ்ந்துள்ளனர்.

‘ஜெயிலர்’ பட நடிகருக்கு ரஜினி கொடுத்த ஸ்பெஷல் கிஃப்ட்: கேட்டதும் கொடுத்துட்டாராம்.!

Leave a Comment

This site uses Akismet to reduce spam. Learn how your comment data is processed.