எல்லோரும் கிண்டல் செய்தார்கள்: அறிமுகமாகும் பெண் இயக்குனர் வருத்தம்
தமிழில் சுதா கொங்கரா, மதுமிதா, புஷ்கர் காயத்ரி, ஐஸ்வர்யா ரஜினி என பெண் இயக்குனர்கள் சிலர் பிசியாக இருக்கிறார்கள். ஏராளமான பெண் இயக்குனர்கள் அறிமுகமானலும் ஓரிரு படங்களோடு அவர்கள் விலகி விடுகிறார்கள். இந்த நிலையில் இந்த ஆண்டு அறிமுகமாகிறார் நிவேதா சந்தோஷ்.
'வருவேன் உனக்காக' என்ற படத்தை இயக்கி உள்ளார். இதனை அனு சினிமா புரொடக்ஷன் நிறுவனம் தயாரித்துள்ளது. படத்தின் கதாநாயகனாக தனசேகர் , கதாநாயகியாக ஜெயந்தி நடித்துள்ளார். விக்னேஷ் இசையமைத்துள்ளார்.
படம் பற்றி நிவேதா சந்தோஷ் கூறும்போது “என்னோட பட குழுவினர் அனைவரும் இந்த படத்துக்கு ரொம்ப கஷ்டப்பட்டு இருக்காங்க இந்த படத்தை நாங்க கஷ்டப்பட்டு தான் தொடங்கினோம். எல்லாரும் கிண்டல் பண்ணாங்க அதையும் தாண்டி இப்போ இந்த படத்தை டிரைலர் வர கொண்டு வந்திருக்கோம். இதுவே எனக்கு வெற்றி தான் திரையரங்கில் மிக விரைவில் இந்த படம் வரும். இது ஒரு கமர்சியல் படம்தான் வல்கரா எந்த ஒரு சீனும் எடுத்ததில்லை. சிறியவர்கள் முதல் பெரியவர்கள் வரை பார்க்கலாம்” என்றார்.