இந்திய அணியின் அடுத்த டெஸ்ட் போட்டி யாருடன் தெரியுமா?

2023-25 உலக டெஸ்ட் சாம்பியன்ஷிப் இறுதி போட்டிக்கு தகுதி பெறும் வாய்ப்பை நூலிழையில் தவறவிட்டது இந்திய அணி. விராட் கோலி, ரோஹித் சர்மா போன்ற வீரர்கள் ஓய்வை அறிவித்துள்ள நிலையில், தற்போது இளம் இந்திய அணி தனது அடுத்த சவாலுக்கு தயாராகிவிட்டது. 2025-27 ஆம் ஆண்டுக்கான புதிய WTC சுற்றின் முழுமையான டெஸ்ட் போட்டி அட்டவணை வெளியிடப்பட்டுள்ளது. சமீபத்தில் இந்தியா – இங்கிலாந்து டெஸ்ட் தொடர் முடிவடைந்துள்ள நிலையில், அடுத்த இரண்டு ஆண்டு காலக்கட்டத்தில், இந்திய அணி மொத்தம் 14 டெஸ்ட் போட்டிகளில், 5 வெவ்வேறு அணிகளுக்கு எதிராக விளையாட உள்ளது.

WTC Points Table: India got some critical points. pic.twitter.com/ZTxIpowB5c

— Gulshan Kumar (@gulshanvj2) August 4, 2025

ஆண்டர்சன்-டெண்டுல்கர் கோப்பை

இந்த WTC சுற்றின் முதல் தொடரே, இந்திய அணிக்கு ஒரு கடினமான தொடக்கமாக அமைந்துள்ளது. இங்கிலாந்துக்கு எதிரான ஐந்து போட்டிகள் கொண்ட டெஸ்ட் தொடருக்காக, இந்திய அணி இங்கிலாந்துக்கு சுற்றுப்பயணம் மேற்கொண்டது. இங்கிலாந்தின் முன்னாள் வேகப்பந்து வீச்சாளர் ஜேம்ஸ் ஆண்டர்சன் மற்றும் இந்தியாவின் முன்னாள் பேட்டிங் ஜாம்பவான் சச்சின் டெண்டுல்கர் ஆகியோரின் பெயரில் இந்த புதிய கோப்பை அறிமுகப்படுத்தப்பட்டுள்ளது. கடந்த மாதம் தொடங்கிய இந்த தொடர், ஆகஸ்ட் 4ம் தேதியுடன் முடிவடைந்துள்ளது. இந்த தொடரில் இங்கிலாந்து அணி 2 போட்டிகளிலும், இந்தியா 2 போட்டிகளிலும் வெற்றி பெற்று, ஒரு போட்டி ட்ராவில் முடிந்தது. இதனால் தொடரை 2-2 என இரு அணிகளும் வென்றுள்ளன.

2025-27 WTC சுற்றின் இந்திய அட்டவணை

இந்தியா vs மேற்கிந்திய தீவுகள் – 1வது டெஸ்ட் (அகமதாபாத்) – அக்டோபர் 2-6, 2025
இந்தியா vs மேற்கிந்திய தீவுகள் – 2வது டெஸ்ட் (டெல்லி) – அக்டோபர் 10-14, 2025
இந்தியா vs தென்னாப்பிரிக்கா – 1வது டெஸ்ட் (கொல்கத்தா) – நவம்பர் 14-18, 2025
இந்தியா vs தென்னாப்பிரிக்கா – 2வது டெஸ்ட் (குவஹாத்தி) – நவம்பர் 22-26, 2025
இந்தியா vs ஆப்கானிஸ்தான் – ஒரு-ஆஃப் டெஸ்ட் (இந்தியா) – ஜூன், 2026
இந்தியா vs இலங்கை – 2 டெஸ்ட் (இலங்கை) – ஆகஸ்ட், 2026
இந்தியா vs நியூசிலாந்து – 2 டெஸ்ட் (நியூசிலாந்து) – அக்டோபர், 2026
இந்தியா vs ஆஸ்திரேலியா – 5 டெஸ்ட் (இந்தியா) – ஜனவரி, 2027

இங்கிலாந்து தொடரின் முடிவுகள்

ஓவல் மைதானத்தில் நடைபெற்ற கடைசி டெஸ்டில், இந்தியா 6 ரன்கள் வித்தியாசத்தில் ஒரு திரில்லிங்கான வெற்றியை பதிவு செய்தது. இந்த வெற்றியின் மூலம், WTC புள்ளி பட்டியலில் இந்திய அணி மூன்றாவது இடத்திற்கு முன்னேறியுள்ளது. புதிய தலைமை பயிற்சியாளர் கௌதம் கம்பீரின் கீழ், இந்திய அணி இந்த புதிய WTC சுற்றை எதிர்கொள்கிறது. ரோஹித் சர்மா, விராட் கோலி போன்ற மூத்த வீரர்கள் இல்லாத நிலையில், இந்த சுற்று இளம் வீரர்களுக்கு தங்களை நிரூபிக்க ஒரு பெரிய வாய்ப்பாக அமையும். இந்த போட்டிகளில் சிறப்பாக செயல்பட்டு, 2027 ஆம் ஆண்டு லார்ட்ஸ் மைதானத்தில் நடைபெறும் WTC இறுதி போட்டிக்குத் தகுதி பெறுவதே இந்திய அணியின் முக்கிய இலக்காக இருக்கும்.