விக்ரமின் 61வது படம் பூஜையுடன் ஆரம்பம்
விக்ரம் நடிப்பில் ஆகஸ்ட் 12ம் தேதி கோப்ரா படமும், செப்டம்பர் 30ஆம் தேதி பொன்னியின் செல்வன் படமும் திரைக்கு வர உள்ளன. இந்த நிலையில் இன்றைய தினம் விக்ரம் நடிக்கும் 61வது படத்தின் பூஜை நடைபெற்றுள்ளது. ஸ்டுடியோ கிரீன் நிறுவனம் தயாரிக்கும் இந்த படத்தை பா. ரஞ்சித் இயக்குகிறார். இதுகுறித்து அதிகாரப்பூர்வ அறிவிப்பு ஏற்கனவே வெளியான நிலையில் இன்று இப்படத்தின் பூஜை நடைபெற்றுள்ளது. இதில் விக்ரம், பா. ரஞ்சித், நடிகர்கள் சிவகுமார், ஆர்யா, கலையரசன் இசையமைப்பாளர் ஜிவி. பிரகாஷ் உள்பட பலர் கலந்து கொண்டு உள்ளார்கள்.
இந்த படத்தின் கதை, திரைக்கதையை தமிழ் பிரபா எழுத, ஒளிப்பதிவை கிஷோர் குமார் கவனிக்கிறார். ஜி.வி.பிரகாஷ் குமார் இசையமைக்கும் இந்த படத்தை எடிட்டர் செல்வா கவனிக்கிறார். சண்டை காட்சிகளை அன்பறிவு அமைக்க, நடனங்களை சாண்டி மேற்கொள்கிறார். இப்படத்தின் பாடல்களை கபிலன், அறிவு, உமாதேவி ஆகியோர் எழுதுகிறார்கள்.