விஜய்யின் 68வது படம் : புதிய தகவல் வெளியானது
வம்சி பைடிபள்ளி இயக்கியுள்ள வாரிசு படத்தில் நடித்துள்ளார் விஜய். இந்த படம் பொங்கலுக்கு திரைக்கு வருவதாக அறிவிக்கப்பட்டுள்ளது. இந்த படத்தை அடுத்து லோகேஷ் கனகராஜ் இயக்கும் தனது 67வது படத்தில் நடிக்கப் போகிறார் விஜய். இது குறித்த தகவல்கள் ஏற்கனவே வெளியாகிவிட்ட நிலையில் தற்போது விஜய் நடிக்கும் 68வது படம் குறித்த ஒரு தகவல் வெளியாகியிருக்கிறது. அந்த படத்தை தெலுங்கில் அல்லு அர்ஜுன் நடித்த புஷ்பா படத்தை தயாரித்த மைத்ரி மூவி மேக்கர்ஸ் நிறுவனம் தயாரிக்க இருப்பதாகவும், ஏற்கனவே விஜய் நடிப்பில் தெறி, மெர்சல், பிகில் போன்ற படங்களை இயக்கிய அட்லி இயக்க இருப்பதாகவும் தகவல்கள் வெளியாகி உள்ளன.