“இருவருக்கும் இடையே நடந்த உரையாடல் எப்படி லீக் ஆனது?” என, கனடா பிரதமர் ஜஸ்டின் ட்ரூடோவிடம், சீன அதிபர் ஷி ஜின்பிங் அதிருப்தித் தெரிவித்தார்.
தென் கிழக்கு ஆசிய நாடான இந்தோனேஷியாவில் உள்ள பாலி தீவில் கடந்த 15 ஆம் தேதி தொடங்கிய ஜி – 20 உச்சி மாநாடு இன்றுடன் நிறைவு பெறுகிறது. இந்த மாநாட்டில் இந்தியப் பிரதமர் நரேந்திர மோடி, அமெரிக்க அதிபர் ஜோ பைடன், பிரிட்டன் பிரதமர் ரிஷி சுனக், சீன அதிபர் ஷி ஜின்பிங், பிரான்ஸ் அதிபர் இம்மானுவேல் மேக்ரான், கனடா பிரதமர் ஜஸ்டின் ட்ரூடோ உள்ளிட்ட உலக நாடுகளின் தலைவர்கள் கலந்து கொண்டனர். இந்த உச்சி மாநாட்டுக்கு இடையே உலகத் தலைவர்கள், இரு நாடுகள் விவகாரம் குறித்து தனியாகவும் சந்தித்துக் கொண்டனர்.
இந்நிலையில், சீன அதிபர் ஷி ஜின்பிங், கனடா பிரதமர் ஜஸ்டின் ட்ரூடோ இருவரும் ஆலோசனை நடத்தும் வீடியோ ஒன்று சமூக வலைதளங்களில் வைரலாக பரவி வருகிறது. அதில், ஷி ஜின்பிங் கூறியதை மொழி பெயர்ப்பாளர் ஒருவர் மொழிபெயர்த்து கூறுகிறார்.
சீன அதிபர் ஷி ஜின்பிங் கூறுகையில், “நாம் இருவரும் ஆலோசனை நடத்தியதை பேப்பரில் கசிய விடுகிறீர்கள். இது முறையானது அல்ல. ஆலோசனை நடத்திய விதம் அப்படி அல்ல. உங்களிடம் நேர்மை
இருந்தால்”… எனக் கூறிய போது இடை மறித்த கனடா பிரதமர் ஜஸ்டின் ட்ரூடோ, “நாங்கள் சுதந்திரமான,
வெளிப்படையான மற்றும் தைரியமான பேச்சுவார்த்தையில் நம்பிக்கை கொண்டுள்ளோம்.
அதையே நாங்கள் தொடர்ந்து நடத்துவோம். நாம் ஆக்கப்பூர்வமாக பணியாற்றுவதை
தொடர்வோம்,” என தெரிவித்தார்.
மோடி – ரிஷி சுனக் சந்திப்பு; அடுத்த நிமிடமே இந்தியர்களுக்கு ஹேப்பி நியூஸ்!
அதற்கு பதில் அளித்த ஷி ஜின்பிங், “அப்படியானால், முதலில் நிபந்தனைகளை விதித்து கொள்வோம்” எனக் கூறி ஜஸ்டின் ட்ரூடோவுடன் கைகுலுக்கிச் சென்றார்.