கிறிஸ்துமஸ் தினத்தில் மோதும் விஷால் – நயன்தாரா படங்கள்
அஸ்வின் சரவணன் இயக்கத்தில் நயன்தாரா கதையின் நாயகியாக நடித்துள்ள படம் கனெக்ட். இந்த படத்தில் அவருடன் அனுபம் கேர், சத்யராஜ் ஆகியோர் முக்கிய வேடங்களில் நடித்துள்ளார்கள். விக்னேஷ் சிவனின் ரவுடி பிக்சர்ஸ் நிறுவனம் இந்த படத்தை தயாரித்துள்ளது. இப்படத்தின் டீசர் தற்போது வெளியிடப்பட்டுள்ள நிலையில், டிசம்பர் 22ஆம் தேதி கிறிஸ்துமஸ்க்கு கனெக்ட் படம் திரைக்கு வருவதாகவும் அறிவிக்கப்பட்டுள்ளது.
இந்த நிலையில் விஷால் நடித்துள்ள லத்தி படமும் டிசம்பர் 22ம் தேதி வெளியாக இருப்பதாக தற்போது அதிகாரப்பூர்வமாக அறிவித்திருக்கிறார்கள். அதனால் வரப்போகிற கிறிஸ்துமஸ் தினத்தன்று விஷாலின் லத்தி படமும், நயன்தாராவின் கனெக்ட் படமும் நேருக்கு நேர் மோதிக் கொள்வது உறுதியாகி இருக்கிறது. மேலும், விஷால் நடித்துள்ள லத்தி படம் தமிழ் மட்டுமின்றி தெலுங்கு, கன்னடம் , ஹிந்தி என 4 மொழிகளில் வெளியாகியுள்ளது என்பது குறிப்பிடத்தக்கது.