இன்று நடந்த உலகக்கோப்பை கால்பந்து போட்டியில், ஈரானிய வீரர்கள் தேசியகீதம் பாடாமல் எதிர்ப்பு தெரிவித்தனர்.
கத்தாரில் இன்று நடந்த FIFA உலகக் கோப்பை போட்டியின் முதல் ஆட்டத்தில் இங்கிலாந்து அணிக்கு எதிராக விளையாடிய ஈரான் அணியின் வீரர்கள், ஆட்டத்தின் தொடக்கத்தில் ஈரானிய தேசிய கீதத்தை பாடாமல் தவிர்த்தனர்.
ஈரானில் நடந்துவரும் அரசாங்கத்துக்கு எதிரான மக்களின் ஆர்ப்பாட்டத்திற்கு வெளிப்படையான ஆதரவை தெரிவிக்கும் விதமாக வீரர்கள் தேசிய கீதம் பாட மறுத்தனர்.
தோஹாவில் உள்ள கலீஃபா சர்வதேச மைதானத்தைச் சுற்றி ஈரானிய வீரர்கள் தங்கள் தேசிய கீதம் ஒலிக்க, உணர்ச்சியற்ற முகத்துடன் நின்று கொண்டிருந்தனர்.
AFP
கத்தாரில் நடைபெறும் ஆட்டத்திற்கு முன்னதாக, ஈரானில் அரசாங்கத்தை உலுக்கிய ஆர்ப்பாட்டங்களுக்கு ஒற்றுமையை வெளிப்படுத்தும் வகையில் கீதத்தைப் பாட மறுப்பதா இல்லையா என்பதை குழு ஒன்றாக முடிவு செய்யும் என்று கேப்டன் அலிரேசா ஜஹான்பக்ஷ் கூறியிருந்தார்.
செப்டம்பர் 16 அன்று 22 வயதான மஹ்சா அமினி அறநெறி பொலிஸ் காவலில் இறந்ததிலிருந்து ஈரான் இரண்டு மாதங்கள் நாடு தழுவிய போராட்டங்களால் அதிர்ந்தது.