அதிர்ச்சி தரும் அவதார் 2 டிக்கெட் கட்டணம்
உலகிலேயே அதிக வசூல் சாதனை படைத்து முதலிடத்தில் இருக்கும் அவதார் படத்தின் இரண்டாம் பாகம் வருகிற டிசம்பர் 16ம் தேதி உலகம் முழுவதும் வெளியாகிறது. வெளியான படத்தின் டீசரும், டிரைலரும் மிரட்டலாக அமைந்து பெரும் எதிர்பார்ப்பை ஏற்படுத்தி இருக்கிறது.
இந்த நிலையில் படத்தின் முன்பதிவை இந்திய தியேட்டர்கள் துவங்கி உள்ளன. அவதார் படத்தை பார்த்து ஆச்சர்யப்படுவதற்கு முன்பு, அதன் டிக்கெட் கட்டணத்தை பார்த்து ரசிகர்கள் அதிர்ச்சி அடைந்திருக்கிறார்கள். ஒரு சில தனியார் மல்டிபிளக்ஸ் நிறுவனங்கள் ஆன் லைன் முன்பதிவை தொடங்கி இருக்கிறது. அதில் கட்டணம் ஆயிரம் ரூபாய்க்கு மேல் நிர்ணயம் செய்யப்பட்டுள்ளது. குறிப்பாக ஐமேக்ஸ் மாதிரியான அகண்ட திரையில் உள்ள தியேட்டர்களில் இந்த கட்டணம் ஆயிரத்திற்கு மேல் வசூலிக்கப்படுகிறது. ஒரு மாதத்திற்கு முந்தைய முன்பதிவுக்கே இவ்வளவு கட்டணம் என்றால் படம் வெளியாகும் நேரத்தில் எப்படி இருக்கும் என்பதே ரசிகர்களின் கவலையாக இருக்கிறது.