திடீர் உடல்நலக்குறைவு : மருத்துவமனையில் அனுமதிக்கப்பட்ட கமல் வீடு திரும்பினார்
70 வயதை நெருங்கும் கமல்ஹாசன் தற்போதும் இளைஞரைப்போல சுறுசுறுப்பாக இயங்கி வருகிறார். இந்தியன் 2வில், 3 மணி நேரம் மேக்அப் போட்டு நடிக்கிறார். பிக்பாஸ் நிகழ்ச்சியை தொய்வின்றி நடத்தி வருகிறார். மக்கள் நீதி மையம் கட்சி பணியை செய்கிறார். பல படங்களை தயாரிக்கிறார். இத்தனைக்கும் நடுவில் குடும்ப நிகழ்ச்சிகள், ரசிகர் மன்ற நிகழ்ச்சிகள் என பிசியாக இருக்கிறார்.
ஐதராபாத் சென்ற கமல்ஹாசன், அங்கு இயக்குனர் கே.விஸ்வநாத்தை சந்தித்தார். மேலும் அங்கு சில நிகழ்ச்சிகளில் கலந்துகொண்டு, நேற்று சென்னை திரும்பினார். இந்த நிலையில் நேற்று இரவு அவருக்கு திடீரென்று உடல்நலக்குறைவு ஏற்பட்டது. இதையடுத்து அவர் சென்னை போரூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு டாக்டர்கள் அளித்தனர்.
ஆனால் இது வழக்கமான மருத்துவ பரிசோதனைதான் லேசான காய்ச்சல் இருந்தது. அதனால் மருத்துவமனையில் தங்கி சிகிச்சை பெற்ற கமல்ஹாசன் இன்று காலை 6:30 மணி அளவில் வீடு திரும்பினார். இரண்டு நாட்கள் ஓய்வெடுக்க மருத்துவர்கள் அறிவுறுத்தியுள்ளனர்.