தமிழ் மற்றும் தெலுங்கு என பைலிங்குவல் படமாக உருவாகியிருக்கிறது வாரிசு. வம்சி பைடிபள்ளி இயக்கியிருக்கும் இப்படத்தை தில்ராஜு தயாரித்திருக்கிறார். தமன் இசையமைத்திருக்கிறார். ஆக்ஷன், எமோஷனல் என அனைத்தும் கலந்த பேக்கேஜாக படம் உருவாகியிருப்பதாக கருதப்படுகிறது. சூழல் இப்படி இருக்க படத்துக்கு சில சிக்கல்கள் எழுந்தன. இதனால் திட்டமிட்டப்படி பொங்கலுக்கு வாரிசு வெளியாகுமா என்ற சந்தேகம் ரசிகர்களிடையே எழுந்தது.
ஆனால் படம் பொங்கலுக்கு வெளியாவதை உறுதிப்படுத்தும் விதமாக நேற்று புதிய போஸ்டர் ஒன்றும் வெளியிடப்பட்டது. இதனால் பொங்கலுக்கு வாரிசு vs துணிவு என்பது உறுதியாகியிருக்கிறது. நீண்ட நாள்கள் கழித்து விஜய், அஜித் படங்கள் ஒரே நாளில் வெளியாவதால் தியேட்டர்கள் திருவிழாக்கோலம் காண தயாராகியிருக்கின்றன.
இதற்கிடையே, தமன் முதல்முறையாக விஜய் படத்திற்கு இசையமைத்திருப்பதால் படத்தின் பாடல்கள் மீதான எதிர்பார்ப்பு எகிறியுள்ளது. சமீபத்தில் தனியார் ஊடகம் ஒன்றுக்கு இயக்குநர் வம்சி அளித்த பேட்டியில்கூட, தமன் எவ்வளவு சின்சியராக இந்தப் படத்திற்கு இசையை கொடுத்திருக்கிறார் என்பதை நீங்கள் வாரிசு படம் பார்க்கும்போது தெரிந்துகொள்ளலாம் என கூறியிருந்தார் இதனால் பின்னணி இசைக்கும் எதிர்பார்ப்பு அதிகரித்துள்ளது.
THE BOSS strikes in style
https://t.co/Q56reRvcvc
https://t.co/gYr0tlcMmD#Thalapathy @actorvijay sir @directorvamshi @iamRashmika @MusicThaman @Lyricist_Vivek @manasimm @AlwaysJani @TSeries #Varisu #VarisuPongal#RanjithameHits75M pic.twitter.com/TRfWYmG2uE— Sri Venkateswara Creations (@SVC_official) November 30, 2022
வாரிசு படத்தில் இடம்பெற்றிருக்கும் ரஞ்சிதமே ரஞ்சிதமே பாடலும் சமீபத்தில் வெளியாகி பெரும் வரவேற்பைப் பெற்றது. பாடலை பாடலாசிரியர் விவேக் எழுத விஜய் பாடியிருக்கிறார்.
இந்நிலையில் ரஞ்சிதமே ரஞ்சிதமே பாடல் புதிய சாதனையை ஒன்றை செய்துள்ளது. அதாவது, யூட்யூபில் இதுவரை ரஞ்சிதமே ரஞ்சிதமே பாடலை 75 மில்லியனுக்கும் அதிகமானோர் பார்த்திருக்கின்றனர். இதுகுறித்த அதிகாரப்பூர்வ அறிவிப்பை படத்தை தயாரித்திருக்கும் வெங்கடேஸ்வரா நிறுவனம் தனது ட்விட்டர் பக்கத்தில் வெளியிட்டுள்ளது. இதனையடுத்து விஜய் ரசிகர்கள் சமூக வலைதளங்களில் இந்த சாதனையை கொண்டாடிவருகின்றனர்.