விட்னஸ் : 9ம் தேதி 5 மொழிகளில் ஓடிடியில் வெளியாகும் ஷ்ரத்தா ஸ்ரீநாத் படம்
தி பீப்பிள் மீடியா பேக்டரி சார்பாக டி.ஜி.விஷ்வபிரசாத், விவேக் குச்சிபோட்லா தயாரித்துள்ள படம் விட்னஸ். ஷ்ரத்தா ஶ்ரீநாத், ரோகிணி ஆகியோர் முன்னணி கதாபாத்திரங்களாக நடிக்க, அழகம்பெருமாள், சண்முகராஜா, ஜி. செல்வா, சுபத்ரா ராபர்ட், இராஜீவ் ஆனந்த் மற்றும் எம்.ஏ.கே.ராம் உள்பட பலர் நடித்துள்ளனர். அறிமுக இயக்குநர் தீபக் இயக்கி இருக்கிறார். அவரே ஒளிப்பதிவாளராகவும் பணியாற்றியிருக்கிறார்.
இயக்குனர் தீபக் கூறியதாவது: தூய்மைப் பணியாளர்களின் வாழ்க்கையை மையமாகக் கொண்டு உருவாகி இருக்கும் படம். பெருநகரங்கள் குறித்து நாம் இதுவரை கண்டிராத உண்மைகளையும், கண்ணுக்குப் புலப்படாத வகையில் அங்கே செயல்படும் அதிகார மையங்களையும் நமக்கு நெருக்கமாக கொண்டு வந்து சேர்க்கும் வகையில் உருவாகி இருக்கிறது. வருகிற 9ம் தேதி சோனி ஓடிடி தளத்தில் நேரடியாக வெளியாகிறது. தமிழ், தெலுங்கு, மலையாளம், கன்னடம், இந்தி ஆகிய ஐந்து மொழிகளில் வெளியாகிறது. என்றார்.