விரைவில் சிவகார்த்திகேயனின் ‛மாவீரன்' பட முதல் பாடல்
மண்டேலா படத்தை இயக்கிய மடோன் அஸ்வின் இயக்கத்தில் சிவகார்த்திகேயன், அதிதி ஷங்கர், மிஷ்கின் உள்ளிட்ட பலர் நடிப்பில் உருவாகி வரும் படம் மாவீரன். மாஜி ஹீரோயின் சரிதா ஒரு முக்கியத்துவம் வாய்ந்த வேடத்தில் நடித்திருக்கிறார். மாவீரன் படத்தின் படப்பிடிப்பு விறுவிறுப்பாக நடந்து வரும் நிலையில் தற்போது இறுதிக்கட்டத்தை நோக்கி சென்று கொண்டிருக்கிறது.. அடுத்த மாதம் முதல் இறுதிகட்ட பணிகளை தொடங்க இருக்கும் மாவீரன் படக் குழு, 2023ஆம் ஆண்டு மார்ச் மாதத்தில் மாவீரன் படத்தை வெளியிடுவதற்கு திட்டமிட்டுள்ளனர். இந்நிலையில் அடுத்தடுத்து மாவீரன் படத்தின் பிரமோஷன் பணிகள் தொடங்க உள்ளன. விரைவில் இப்படத்தில் சிங்கிள் பாடல் ஒன்று வெளியாக இருப்பதாக உள்ளது. மேலும், சிவகார்த்திகேயன் நடிப்பில் வெளியான பிரின்ஸ் படம் அதிர்ச்சி தோல்வியாக அமைந்த நிலையில் இந்த மாவீரன் படம் டாக்டர், டான் பட வரிசையில் ஹிட் படமாக இடம் பெறுமா என்கிற எதிர்பார்ப்பும் நிலவுகிறது.