இந்தியாவின் முக்கியமான நடிகர்களில் ஒருவரான தனுஷ் சமீபத்தில் திருச்சிற்றம்பலம் படத்தில் நடித்திருந்தார்.திரையரங்குகளில் வெளியான இப்படம் மாபெரும் வெற்றி பெற்றது. இதனையடுத்து அவர் நடிப்பில் செல்வராகவன் இயக்கத்தில் நானே வருவேன் படம் வெளியாகி கலவையான விமர்சனங்களையே பெற்றது. இந்தச் சூழலில் அவர் சாணிக்காயிதம், ராக்கி ஆகிய படங்கள் மூலம் கவனம் ஈர்த்த இயக்குநர் அருண் மாதேஸ்வரன் இயக்கத்தில் நடிக்கிறார்.
இந்தப் படத்தை சத்யஜோதி நிறுவனம் சார்பில் தியாகராஜன் தயாரிக்கிறார். படத்துக்கு கேப்டன் மில்லர் என பெயரிடப்பட்டுள்ளது. இதன் பூஜை சமீபத்தில் போடப்பட்டு ஷூட்டிங்கும் தொடங்கியது. ப்ரியங்கா அருள்மோகன் கதாநாயகியாக நடிக்கிறார். ஜிவி பிரகாஷ் இசையமைக்கிறார்.
தனுஷுக்கு இந்தப் படத்தில் மொத்தம் மூன்று தோற்றங்கள் இருப்பதாகவும், 1940களில் நடக்கும் ஆக்ஷன் படமாக இது இருக்கும் எனவும் கூறப்படுகிறது. மேலும் அவருடன் சுந்தீப் கிஷன், நிவேதிதா சதீஷ், ஜான் கோக்கன் மற்றும் மூர் ஆகியோரும் நடித்துள்ளனர்.
Happy to be a part of #CaptainMiller with the immensely talented @dhanushkraja & the legendary @SathyaJyothi films. Looking forward to work with the team. @sundeepkishan @priyankaamohan @gvprakash pic.twitter.com/JlZZvNsoqI
— DrShivaRajkumar (@NimmaShivanna) December 8, 2022
இந்நிலையில் படத்தில் கன்னட சூப்பர் ஸ்டார் சிவராஜ்குமார் நடிக்கலாம் என பேச்சு எழுந்தது. அதை தற்போது பட தயாரிப்பு நிறுவனமான சத்யஜோதி பிலிம்ஸ் நிறுவனம் உறுதி செய்துள்ளது. இதுகுறித்து அந்த நிறுவனத்தின் ட்விட்டர் பக்கத்தில், “லெஜெண்ட் நடிகரும் கருநாட சக்கரவர்த்தியுமான சிவராஜ்குமாரை வரவேற்பதில் நாங்கள் பெருமை கொள்கிறோம்” என குறிப்பிடப்பட்டுள்ளது.
We are honoured in Welcoming the Legendary superstar,Karunada Chakravarthy @NimmaShivanna to the world of #CaptainMiller #ShivaRajkumarInCaptainMiller @dhanushkraja @ArunMatheswaran @sundeepkishan @priyankaamohan @gvprakash @johnkokken1 @nivedhithaa_Sat pic.twitter.com/CEfDCY6ssa
— Sathya Jyothi Films (@SathyaJyothi) December 8, 2022
முன்னதாக, நெல்சன் திலீப்குமார் இயக்கத்தில் ரஜினி நடிக்கும் ஜெயிலர் படத்திலும் சிவராஜ்குமார் நடிக்கிறார் என்பது நினைவுகூரத்தக்கது.