தெலுங்கு இயக்குனர் வம்சி பைடிபல்லி இயக்கத்தில் ‘வாரிசு’ படத்தில் நடித்துள்ளார் விஜய். நெல்சன் இயக்கத்தில் வெளியான ‘பீஸ்ட்’ படத்திற்கு முன்பாகவே ஸ்ரீ வெங்கடேஸ்வரா கிரியேஷன்ஸ் தயாரிப்பில் ’தளபதி 66′ படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. இந்தப்படத்தின் ரிலீஸ் வேலைகள் மும்முரமாக நடந்து வருகிறது.
‘வாரிசு’ படத்தின் ஷுட்டிங் சென்னை, ஐதராபாத் உள்ளிட்ட இடங்களில் நடந்து முடிந்துள்ள நிலையில் இறுதிக்கட்ட பணிகள் படு வேகமாக நடந்து வருகிறது. இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் நடித்து வருகின்றனர். மேலும் முதன்முறையாக விஜய்யின் ஜோடியாக ராஷ்மிகா மந்தனா ‘வாரிசு’ படத்தில் நடித்துள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘வாரிசு’ படத்தின் முதல் சிங்கிளான ‘ரஞ்சிதமே’ பாடல் அண்மையில் வெளியானது. விவேக் எழுதிய இந்தப்பாடலை விஜய் பாடியிருந்தார். இதனை தொடர்ந்து ‘தீ தளபதி’ பாடல் ரிலீஸ் ஆனது. இந்தப்பாடலை சிம்பு பாடியிருந்தார். பட்டித்தொட்டி எங்கும் ‘தீ தளபதி’ பாடல் வைரலாகி வருகிறது. ‘வாரிசு’ படத்திற்கு தமன் இசையமைத்துள்ளார்.
Thalapathy 67: வாரிசுக்கு பின்.. ‘தளபதி 67’ படம் குறித்து தரமான அப்டேட் கொடுத்த லோகேஷ்.!
கடந்த மாதம் பனையூரில் நடிகர் விஜய் தனது விஜய் மக்கள் மன்ற நிர்வாகிகளுக்கு பிரியாணி விருந்து அளித்து அனைவரையும் நேரில் சந்தித்து அறிவுரை வழங்கினார். இந்நிலையில், மீண்டும் பனையூரில் ரசிகர்களுக்கு பிரியாணி விருந்து வழங்கவுள்ளதாக தகவல்கள் வெளியாகியுள்ளன. இந்த செய்தி வெளியானதை தொடர்ந்து பலரும் விஜய்யை ட்ரோல் செய்து வருகின்றனர்.
Vijay Sethupathi: படு தோல்வியடைந்த ‘டிஎஸ்பி’ படம்: ஆட்டத்தை ஆரம்பித்த விஜய் சேதுபதி.!
இந்நிலையில் பிரபல சினிமா விமர்சகர் ப்ளூ சட்டை மாறன் விஜய் பனையூரில் ரசிகர்களுக்கு பிரியாணி விருந்து அளிக்கவுள்ள செய்தியை பகிர்ந்து, “மீண்டும் பிரியாணி.. துணிவை வென்றே ஆக வேண்டிய பதட்டத்தில் இருக்கிறாரா விஜய்?” என பதிவிட்டு ட்ரோல் செய்துள்ளார். இதனையடுத்து வழக்கம் போல விஜய் ரசிகர்கள் பலரும் ப்ளூ சட்டை மாறனை கண்டமேனிக்கு விமர்சித்து கமெண்ட் செய்து வருகின்றனர்.
எச். வினோத் இயக்கத்தில் அஜித் நடிக்கும் ‘துணிவு’ படமும் பொங்கலுன்று வெளியாகவுள்ளது. நேர்கொண்ட பார்வை, வலிமை படங்களை தொடர்ந்து மூன்றாவது முறையாக எச். வினோத், அஜித், போனி கபூர் கூட்டணி இணைந்துள்ளது. நீண்ட இடைவேளைக்கு பிறகு விஜய், அஜித் படங்கள் ஒரே நாளில் ரிலீசாகவுள்ளதால் இப்போதே ரசிகர்கள் சோஷியல் மீடியாவில் மோதி வருவது குறிப்பிடத்தக்கது.