பொறியியல் மற்றும் மருத்துவ படிப்புகளுக்கான நுழைவுத் தேர்வு அட்டவணையை தேசிய தேர்வு முகமை வெளியிட்டுள்ளது.
அதன்படி பொறியியல் படிப்புக்கான ஜேஇஇ (JEE) மெயின் தேர்வின் முதல் கட்ட அமர்வு அடுத்த ஆண்டு ஜனவரி மாதம் 24-ந்தேதி முதல் 31-ந்தேதி வரை நடைபெறும் என்றும் 26-ந்தேதி தேர்வு நடைபெறாது என்றும் தெரிவிக்கப்பட்டுள்ளது.
ஜேஇஇ மெயின் தேர்வின் இரண்டாவது அமர்வு ஏப்ரல் மாதம் 6,8,10,11 மற்றும் 12 ஆகிய தேதிகளில் நடைபெறும் என்று தெரிவிக்கப்பட்டுள்ளது.
கியூட் தேர்வு (CUET) மே மாதம் 21-ந்தேதி முதல் 31-ந்தேதி வரை நடைபெறும் என்று தெரிவிக்கப்பட்டுள்ளது.
மேலும் இளங்கலை மருத்துவ படிப்புகளுக்கான நுழைவுத் தேர்வான நீட் (NEET) தேர்வு அடுத்த ஆண்டு மே மாதம் 7-ந்தேதி நடைபெறும் என்று தெரிவிக்கப்பட்டுள்ளது.