‛லத்தி' சென்சார், ரன்னிங் டைம் வெளியானது
வினோத் குமார் இயக்கத்தில் விஷால் நடித்துள்ள படம் லத்தி. அவருக்கு ஜோடியாக சுனைனா நடித்திருக்கும் இந்த படம் தமிழ், தெலுங்கு, கன்னடம், ஹிந்தி என நான்கு மொழிகளில் டிசம்பர் 22 ஆம் தேதி வெளியாகிறது. யுவன் சங்கர் ராஜா இசையமைத்துள்ள இந்த படத்தை ராணா, நந்தா ஆகியோர் தயாரித்துள்ளனர். தற்போது இப்படத்திற்கான பிரமோஷன் நிகழ்ச்சிகளில் கலந்து கொண்டு வருகிறார் விஷால். இந்த நிலையில் லத்தி படத்தின் சென்சார் மற்றும் ரன்னிங் டைம் குறித்த ஒரு தகவல் தற்போது வெளியாகியிருக்கிறது. அதில், லத்தி படத்திற்கு தணிக்கை குழு யு ஏ சான்றிதழ் அளித்திருப்பதாகவும், இந்த படம் 142 நிமிடங்கள் அதாவது இரண்டு மணி நேரம் 22 நிமிடங்கள் ஓடக்கூடியது என்றும் பட நிறுவனம் அதிகாரப்பூர்வமாக தெரிவித்து இருக்கிறது.