2016-ம் ஆண்டு விஜய் ஆண்டனி நடிப்பில் சசி இயக்கத்தில் வெளியான படம் ‘பிச்சைக்காரன்’. விஜய் ஆண்டனியே தயாரித்து, இசையமைத்திருந்த இந்த படம் தமிழ் மற்றும் தெலுங்கு இரு மொழிகளிலும் பிளாக் பஸ்டர் ஹிட்டடித்தது. நீண்ட காலமாக பேச்சு வார்த்தையில் இருந்த இந்த படத்தின் இரண்டாம் பாகம் குறித்த அறிவிப்பு அண்மையில் அதிகாப்பூர்வமாக வெளியானது.
இசை அமைப்பாளராக பல்வேறு அதிரடியான வெற்றிபெற்ற ஆல்பங்களின் மூலம், பிரமிக்க வைக்கும் சாதனை படைத்தவர் விஜய் ஆண்டனி. இசையமைப்பாளராக மட்டுமல்லாமல் நடிகர் மற்றும் தயாரிப்பாளராகவும் அவதாரம் எடுத்தவர் விஜய் ஆண்டனி.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தனது பிறந்தநாளில் முக்கியமான அறிவிப்பு ஒன்றை வெளியிட்டார் விஜய் ஆண்டனி. நீண்ட காலமாக பேச்சு வார்த்தையில் இருந்த பிச்சைக்காரன் இரண்டாம் பாகத்தை தானே இயக்கி தயாரிக்க உள்ளதாகவும் இந்த படம் வரும் 2022 ஆம் ஆண்டு வெளியாகும் என்றும் அதிகாரப்பூர்வ அறிவிப்பு வெளியானது.
‘பிச்சைக்காரன்’ படம் வெளியாகி 6 ஆண்டுகள் கழித்த நிலையில் தற்போது இரண்டாம் பாகத்தின் படப்பிடிப்பு விறுவிறுப்பாக நடந்து வருகிறது. இந்நிலையில் ’பிச்சைக்காரன் 2’ படத்தின் முக்கிய அப்டேட்டை விஜய் ஆண்டனி தனது சமூக வலைதளப் பக்கத்தில் வெளியிட்டுள்ளார்.
Soul Of Varisu: ‘வாரிசு’ படத்தின் தாலாட்டு பாடல்: கொண்டாட்டத்தில் ரசிகர்கள்.!
அதில், ‘பிச்சைக்காரன் 2’ படம் தமிழ், தெலுங்கு, மலையாளம், கன்னடம் என நான்கு மொழிகளில் உருவாகி வருவதாகவும் இந்த படத்தின் சாட்டிலைட் மற்றும் டிஜிட்டல் உரிமையை ஸ்டார் நெட்வொர்க் நிறுவனம் பெற்றுள்ளதாகவும் அறிவித்துள்ளார். மேலும் இந்த படம் 2023 ஆம் ஆண்டு கோடை விடுமுறையில் வெளியாகும் என்றும் விஜய் ஆண்டனி தெரிவித்துள்ளார்.
Kushboo: தைரியம் இருந்தா நேர்ல வா.. என் செருப்பு சைஸ் 41: நடிகை குஷ்பு ஆவேசம்.!
விஜய் ஆண்டனி பிலிம் கார்ப்பரேஷன் நிறுவனத்தின் தயாரிப்பில் உருவாகி வரும் இந்த படம் முதல் பாகத்தை போலவே இரண்டாம் பாகமும் வெற்றி பெறும் என்று எதிர்பார்க்கப்படுகிறது. விஜய் ஆண்டனி தற்போது தமிழரசன், அக்னிச் சிறகுகள், காக்கி, மழை பிடிக்காத மனிதன், கொலை மற்றும் ரத்தம் ஆகிய படங்களில் நடித்து வருவது குறிப்பிடத்தக்கது.