நெல்சன் திலீப்குமார் இயக்கத்தில் விஜய் நடிப்பில் வெளியான பீஸ்ட் படம் எதிர்பார்த்த வரவேற்பை பெறவில்லை. இந்தப்படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி இயக்கத்தில் ஸ்ரீ வெங்கடேஸ்வரா கிரியேஷன்ஸ் தயாரிப்பில் ‘தளபதி 66’ படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது.
‘வாரிசு’ படத்தினை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்துள்ளது. இதன் படப்பிடிப்பு சென்னை, ஐதராபாத் உள்ளிட்ட இடங்களில் நடந்து முடிந்த நிலையில் தற்போது புரமோஷன் பணிகள் தீவிரமாக நடந்து வருகிறது. இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமன் இசையமைத்துள்ள ‘வாரிசு’ படத்தின் முதல் சிங்கிளாக ‘ரஞ்சிதமே’ பாடல் அண்மையில் வெளியானது. விவேக் எழுதிய இந்தப்பாடலை விஜய் பாடியிருந்தார். விஜய் தன்னுடைய ஸ்டைலில் செம்ம ஸ்டப் போட்டுள்ளதாக ரசிகர்கள் இந்தப்பாடலின் லிரிக்கல் வீடியோவை கொண்டாடினர். யூடிப் டிரெண்டிங்கிலும் இந்தப்பாடல் கலக்கி வருகிறது.
அதனை தொடர்ந்து ‘வாரிசு’ படத்தின் இரண்டாவது சிங்கிளாக ‘தீ தளபதி’ பாடல் வெளியானது. தமன் இசையில் சிம்பு இந்தப்பாடலை பாடியிருந்தார். ‘ரஞ்சிதமே’ பாடலை விட இந்தப்பாடல் பட்டித்தொட்டி எங்கும் பட்டையை கிளப்பியது. இந்நிலையில், நேற்றைய தினம் ‘வாரிசு’ படத்தின் மூன்றாவது பாடல் வெளியானது.
Vanangaan: கழட்டிவிட்ட சூர்யா.. பாலா போடும் பலே திட்டம்: பரபரக்கும் கோலிவுட்.!
விவேக் எழுதியுள்ள இந்தப்பாடலை மனதை மயக்கும் குரலில் கே.எஸ்.சித்ரா பாடியுள்ளார். அம்மா செண்டிமென்ட்டில் வெளியான இந்தப்பாடல் ரசிகர்களின் மனதை உருக வைத்து வருகிறது. இந்நிலையில் ‘வாரிசு’ படத்தின் ஆடியோ லான்ச் விரைவில் பிரம்மாண்டமாக நடத்த படக்குழுவினர் திட்டமிட்டுள்ளதாக தகவல்கள் வெளியாகியுள்ளன.
Thalapathy Vijay: போடு வெடிய.. 400 கோடி பட்ஜெட்டில் விஜய் போட்டுள்ள மெஹா திட்டம்.!
மேலும் ‘வாரிசு’ படத்தில் தான் பாடியுள்ள பாடலை இவ்விழாவில் அனிருத் லைவ்வில் பாடவுள்ளதாகவும் தகவல்கள் வெளியாகியுள்ளன. இந்த செய்தி ரசிகர்கள் மத்தியில் கொண்டாட்டத்தை ஏற்படுத்தியுள்ளது. ஏற்கனவே வெளியான பாடல்கள் இணையத்தை கலக்கி வரும் நிலையில் அனிருத் பாடியுள்ள பாடலும் வேறலெவலில் இருக்கும் என ரசிகர்கள் எதிர்பார்க்கின்றனர்.