ஜேம்ஸ் கேமரூன் இயக்கத்தில் பிரமாண்ட பொருட்செலவில் ‘அவதார்: தி வே ஆஃப் வாட்டர், உலகம் முழுதும் 52 ஆயிரம் திரையரங்குகளில் அண்மையில் வெளியானது. இந்தப்படம் தமிழ்நாட்டிலும் பிரம்மாண்டமாக ரிலீசானது. டாப் ஹீரோக்களுக்கு இணையாக அதிகாலை சிறப்புக்காட்சி எல்லாம் இந்தப்படத்திற்கு தமிழ்நாட்டில் திரையிடப்பட்டது.
இன்றளவும் பிரம்மிப்பாக பேசப்படும் ‘டைட்டானிக்’ படத்தின் இயக்குனரான ஜேம்ஸ் கேமரூனின் படைப்பாக 2009 ஆம் ஆண்டு வெளிவந்த “அவதார்” படம், உலக சினிமாவில் அதுவரை இருந்த அத்தனை வசூல் சாதனைகளையும் முறியடித்து, 23 ஆயிரம் கோடிகளை குவித்து உலகளவில் அதிக வசூல் ஈட்டியது. இந்தியாவில் மட்டும் 100 கோடிகளைக் கடந்து வசூல் ஈட்டியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
13 ஆண்டுகளுக்குப் பிறகு, அவதார் படத்தின் இரண்டாம் பாகமான “Avatar: The Way Of Water” படம் உருவானது. முதல் பாகத்தின் தொடர்ச்சியாக வெளியான இரண்டாம் பாகம் ரசிகர்கள் மத்தியில் அமோக வரவேற்பை பெற்று வருகிறது. பிரம்மாண்டமான கிராபிக்ஸ் காட்சி, 3டி தொழில்நுட்பம் என மேக்கிங்கில் வேறலெவல் பண்ணியுள்ளார் ஜேம்ஸ் கேமரூன்.
Thalapathy 67: ‘தளபதி 67’ படத்தில் நடிப்பதை உறுதி செய்த பிரபலம்: அடேங்கப்பா.. இவரா.!
‘அவதார் 2’ படம் தற்போது உலகம் முழுவதும் 1 பில்லியன் டாலர்களை குவித்துள்ளதாக தகவல்கள் வெளியாகியுள்ளன. இந்தியாவில் வெளியாகி வெறும் 10 நாட்களில் சுமார் 300 கோடி ரூபாய் வசூலை ஈட்டியுள்ளது. மேலும் ‘அவதார்: தி வே ஆஃப் வாட்டர்’ படத்தின் வசூல் வரும் நாட்களில் ரூ.500 கோடியை எட்டும் என எதிர்பார்க்கப்படுகிறது.
Sneha Prasanna: தீயாய் பரவிய விவாகரத்து வதந்தி: பதிலடி கொடுத்த சினேகா – பிரசன்னா.!
அத்துடன் அவதார்: தி வே ஆஃப் வாட்டர் சர்வதேச அளவில் 600 மில்லியனையும், வட அமெரிக்கா பாக்ஸ் ஆபிஸில் 250 மில்லியனையும் கடந்துள்ளது. இது மொத்தம் 850 மில்லியன், அதாவது இந்திய மதிப்பில் கிட்டத்தட்ட ரூ.7,000 கோடி வசூல். முன்னதாக இயக்குனர் ஜேம்ஸ் கேமரூன் ‘அவதார் 2’ 2 பில்லியன் டாலரை வசூலிக்கும் என தெரிவித்திருந்தது குறிப்பிடத்தகது.