'பீஸ்ட்' சாதனையை முறியடிக்காத 'துணிவு' டிரைலர்
2023ம் ஆண்டு பொங்கலுக்கு விஜய்யின் 'வாரிசு', அஜித்தின் 'துணிவு' இரண்டு படங்களுக்கும் இடையே கடும் போட்டி நிலவுகிறது. 'துணிவு' படத்தின் டிரைலர் இரண்டு தினங்களுக்கு முன்பு யுடியூபில் வெளியானது. 24 மணி நேரத்தில் 25 மில்லியன் பார்வைகளையும், 1.1 மில்லியன் லைக்குகளையும் பெற்றது. இருப்பினும் விஜய்யின் 'பீஸ்ட்' டிரைலர் சாதனையை 'துணிவு' டிரைலரால் முறியடிக்க முடியவில்லை.
'பீஸ்ட்' டிரைலர் 24 மணி நேரத்தில் 30 மில்லியன் பார்வைகளைப் பெற்று தென்னிந்தியா மொழித் திரைப்படங்களில் அதிக வேகத்தில் 30 மில்லியன் பார்வைகளைப் பெற்ற டிரைலர் என்ற சாதனையைப் படைத்தது. 2.2 மில்லியன் லைக்குகளும் கிடைத்தது.
'பீஸ்ட்' டிரைலர் சாதனையை 'துணிவு' டிரைலர் முறியடிக்கவில்லை. தன்னுடைய முந்தைய படத்தின் சாதனையை விஜய் தான் மீண்டும் முறியடிக்க வேண்டும் போலிருக்கிறது. விரைவில் 'வாரிசு' டிரைலர் வெளியாக உள்ளது. அப்போது அந்த டிரைலர் 'பீஸ்ட்' சாதனைகளை முறியடிக்கலாம் என்று எதிர்பார்க்கப்படுகிறது.