ஜனவரி 6ல் தமிழில் வெளியாகும் மாளிகைப்புரத்து அம்மன்
மலையாளத்தில் இளம் நடிகரான உன்னி முகுந்தன், தனுஷுடன் இணைந்து நடித்த சீடன் படத்தின் மூலம் தமிழ் ரசிகர்களுக்கு ஏற்கனவே தெரிந்த முகம் தான். அதுமட்டுமல்ல அனுஷ்காவுக்கு ஜோடியாக பாகமதி படத்திலும், சமீபத்தில் சமந்தா நடிப்பில் வெளியான யசோதா படத்திலும் ஹீரோ மற்றும் வில்லனாக நடித்து தென்னிந்திய அளவில் ரசிகர்களுக்கு நன்கு அறிமுகமானவர். மலையாளத்தில் தற்போது இவர் நடித்துள்ள மாளிகைப்புரத்து அம்மன் படம் டிசம்பர் 30-ம் தேதி வெளியானது. றிமுக இயக்குனர் விஷ்ணு சசி சங்கர் இயக்கியுள்ளார்.
எட்டு வயது சிறுமி ஒருவர் சபரிமலை சென்று ஐயப்பனை தரிசிக்க விரும்புகிறார். அதை மையப்படுத்தி இந்த படம் உருவாகி உள்ளது. குறிப்பாக சபரிமலையில் ஐயப்பனின் சன்னிதானம் அருகே அமைந்துள்ள மாளிகைப்புரத்து அம்மன் கதையையும் இந்த படம் விவரிக்கிறது. மலையாளத்தில் வரவேற்பு பெற்றுள்ள இந்த படம் தமிழிலும் மொழிமாற்றம் செய்யப்பட்டு வரும் ஜனவரி 6ஆம் தேதி வெளியாக இருக்கிறது.