மத்தியப் பிரதேசத்தில் 90 வயது மூதாட்டி லிப்ட் கொடுத்த நபரால் கற்பழிக்கப்பட்ட சம்பவம் அதிர்ச்சியை ஏற்படுத்தியுள்ளது.
90 வயது மூதாட்டிக்கு நேர்ந்த கொடுமை
இந்திய மாநிலம் மத்தியப் பிரதேசத்தில் உள்ள ஷாஹோல் மாவட்டத்தில் 90 வயது மூதாட்டி ஒருவர் மோட்டார் சைக்கிளில் லிப்ட் கொடுத்து பாலியல் பலாத்காரம் செய்யப்பட்டதாக பொலிஸ் அதிகாரி ஒருவர் தெரிவித்தார்.
மூதாட்டி ஷாஹோல் மாவட்ட தலைமையகத்திலிருந்து 15 கிலோமீட்டர் தொலைவில் உள்ள ஒரு கிராமத்தில் உள்ள தனது உறவினரைப் பார்க்க வியாழன் இரவு ஜபல்பூரில் இருந்து ஷாதோல் ரயில் நிலையத்திற்கு வந்துள்ளார்.
அவர் இரயில் நிலையத்தில் இரவு தங்கியிருந்தார். வெள்ளிக்கிழமை காலை ஒரு ஆட்டோரிக்ஷா ஓட்டுநர் அவளை அன்ட்ரா கிராமத்தில் உள்ள பிரதான சாலைக்கு அழைத்துச் சென்றார்.
பிரதான சாலையில் இருந்து சிறிது தொலைவில் இருந்த ஆறது உறவினரின் இடத்திற்குச் செல்வதற்கு வேறொரு வாகனத்தில் செல்லவேண்டும் என இறக்கிவிடப்பட்டார்.
லிப்ட் கொடுத்து கற்பழிப்பு
அங்கு அவர் ஒரு பேருந்திற்காக காத்திருந்தபோது, அடையாளம் தெரியாத மோட்டார் சைக்கிள் ஓட்டுநர் அவளுக்கு கிராமத்திற்கு லிப்ட் கொடுத்தார், ஆனால் மாற்றுப்பாதையில் அழைத்துச் சென்று தனிமைப்படுத்தப்பட்ட இடத்தில் அவரை பாலியல் துஷ்பிரயோகம் செய்தார். பின்னர், அந்த நபர் மூதாட்டியை பிரதான சாலையில் விட்டுவிட்டு தப்பி ஓடிவிட்டார் என்று காவல்த்துறை தெரிவித்துள்ளது.
அவர் தனது உறவினர்களிடம் கூறிய பிறகு, அவர்கள் காவல்துறையை அணுகினர், அவர்கள் அடையாளம் தெரியாத மோட்டார் சைக்கிள் ஓட்டுநர் மீது கற்பழிப்பு மற்றும் பிற குற்றங்களுக்காக இந்திய தண்டனைச் சட்ட விதிகளின் கீழ் வழக்குப் பதிவு செய்தனர்.
பாதிக்கப்பட்ட 90 வயது மூதாட்டி மருத்துவமனையில் அனுமதிக்கப்பட்டுள்ளார். இந்நிலையில், குற்றம் சாட்டப்பட்டவரை கைது செய்வதற்கான முயற்சிகள் மேற்கொள்ளப்பட்டு வருவதாக பொலிஸார் தெரிவித்தனர்.