அஜித் நடிப்பில் சமீபத்தில் பொங்கல் பண்டிகையை முன்னிட்டு துணிவு திரைப்படம் வெளியானது. வினோத் இயக்கத்தில் போனி கபூர் தயாரிப்பில் வெளியான இப்படம் ரசிகர்களின் அமோகமான வரவேற்பை பெற்றது. கடைசியாக வெளியான வலிமை திரைப்படம் எதிர்பார்த்த வெற்றியை பெறாத நிலையில் துணிவு படத்தை மிகவும் நம்பியிருந்தார் அஜித்.
அந்த நம்பிக்கையை காப்பாற்றும் விதமாக துணிவு படம் அமைந்ததால் உற்சாகமாக தன் அடுத்த பட வேலைகளில் அஜித் இறங்கியுள்ளார். அடுத்ததாக விக்னேஷ் சிவனின் இயக்கத்தில் AK62 படத்தில் அஜித் நடிக்கவுள்ளார். இப்படத்தை லைக்கா நிறுவனம் தயாரிக்க அனிருத் இசையமைக்கவுள்ளார்.
Varisu: அந்த படத்திற்கு பிறகு விஜய்யை ரசிக்க துவங்கினேன்..வெளிப்படையாக பேசிய வினோத்..!
இந்நிலையில் இப்படம் ஒரு சிறந்த பீல் குட் படமாக இருக்கும் என்றும், அஜித் ரசிகர்களுக்கு வித்யாசமான அனுபவத்தை கொடுக்கும் என்றும் தகவல்கள் வருகின்றன. இது ஒரு பக்கம் இருக்க இப்படத்தில் சந்தானம், அரவிந்த் சாமி ஆகியோர் முக்கியமான கதாபாத்திரங்களில் நடிக்கவுள்ளதாக தகவல்கள் வந்தன.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் அஜித்திற்கு ஜோடியாக இப்படத்தில் ஐஸ்வர்யா ராய் நடிப்பதாக சில நாட்களாக இணையத்தில் ஒரு தகவல் பரவி வர தற்போது அது வெறும் வதந்தி தான் என தெரிய வந்துள்ளது. இதையடுத்து கீர்த்தி சுரேஷ் அல்லது நயன்தாரா AK62 படத்தில் நடிப்பார்கள் என எதிர்பார்த்த நிலையில் தற்போது சாய் பல்லவியின் பெயர் அடிபட்டு வருகின்றது.
தென்னிந்திய மொழிகளில் முன்னணி நடிகையான சாய் பல்லவி அஜித்திற்கு ஜோடியாக இப்படத்தில் நடிப்பார் என தகவல்கள் வருகின்றன. ஆனால் அதிகாரபூர்வமாக அறிவித்த பின்னரே உண்மை நிலவரம் தெரியவரும் என்பது குறிப்பிடத்தக்கது.