விஜய் மற்றும் வம்சியின் கூட்டணியில் உருவான வாரிசு திரைப்படம் பொங்கல் பண்டிகையை முன்னிட்டு திரையில் வெளியானது. வம்சியின் இயக்கம், நாயகியாக ராஷ்மிகா ,இசையமைப்பாளராக தமன் என விஜய் இம்முறை முற்றிலும் புதுமையான கூட்டணியுடன் களமிறங்கினார்.
மேலும் இப்படம் ஆரம்பிக்கப்பட்ட போது இது விஜய் படங்களிலிருந்து மாறுபட்டு வித்யாசமாக இருக்கும் என தகவல்கள் வந்தது. இதெல்லாம் படத்தின் மீதான எதிர்பார்ப்பை இரட்டிப்பாக்கியது. இதைத்தொடர்ந்து வாரிசு படத்திலிருந்து வெளியான பாடல்கள் ரசிகர்களின் அமோகமான வரவேற்பை பெற்றது. இதன் காரணமாக படத்தின் மீதான எதிர்பார்ப்பு பலமடங்கு உயர்ந்தது.
Thunivu – Varisu: அஜித் – விஜய் ரசிகர்களின் மோதல்கள்..வெளிப்படையாக பேசிய பிரபல நடிகர்..!
இந்நிலையில் ஜனவரி 11 ஆம் தேதி பொங்கல் பண்டிகையை முன்னிட்டு வாரிசு திரையில் வெளியானது. மிகுந்த எதிர்பார்ப்பில் வெளியான இப்படம் ரசிகர்களிடம் கலவையான விமர்சனங்களையே பெற்றது. இப்படம் சீரியலை போல இருக்கின்றது என்பதே பொதுவான கருத்தாக இருந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் படத்தை பற்றி பல ட்ரோல்கள் இணையத்தில் பரவ துவங்கின. ஆனால் இது எதுவும் படத்தின் வசூலை பாதிக்கவில்லை. குடும்பங்கள் கொண்டாடும் படமாக மாறிய வாரிசு படத்தின் வசூல் அமோகமாக இருந்தது. இப்படத்துடன் அஜித்தின் துணிவு படமும் வெளியானதால் இம்முறை போட்டி கடுமையாகவே இருந்தது.
இருப்பினும் வசூலை பொறுத்தவரை வாரிசு சற்று முன்னிலையில் இருந்து வருகின்றது. இந்நிலையில் நேற்று ஹைதராபாத்தில் வாரிசு படத்தின் வெற்றியை படக்குழுவினருடன் சேர்ந்து விஜய் கொண்டாடியுள்ளார். படக்குழுவினருடன் விஜய் கேக் வெட்டி கொண்டாட்டத்தில் ஈடுபட்டபோது எடுக்கப்பட்ட புகைப்படங்கள் இணையத்தில் செம வைரலாகி வருகின்றது.
என்னதான் வாரிசு திரைப்படம் கலவையான விமர்சனங்களை பெற்றாலும் வசூலை பொறுத்தவரை மிகப்பெரிய வெற்றியை பெற்ற காரணத்தினால் விஜய் செம ஹாப்பியாக இருப்பதாக தகவல்கள் வருகின்றன. அதன் வெளிப்பாடு தான் இந்த வெற்றி கொண்டாட்டம் என சிலர் பேசி வருகின்றனர் என்பது குறிப்பிடத்தக்கது.