vc
தளபதி 67 விக்ரம் படத்தின் வெற்றிக்கு பிறகு லோகேஷ் கனகராஜின் இயக்கத்தில் நடிக்க பல முன்னணி நடிகர்கள் ஆர்வம் தெரிவித்து வருகின்றனர். இந்த சூழலில் தான் லோகேஷ் தற்போது விஜய்யை வைத்து தளபதி 67 படத்தை இயக்கி வருகின்றார். பொதுவாகவே விஜய் படங்கள் என்றால் எதிர்பார்ப்பு இருக்கும் . ஆனால் தளபதி 67 திரைப்படத்தின் எதிர்பார்ப்பு பல மடங்கு உயர்ந்துள்ளது. அதற்கு காரணம் இயக்குனர் லோகேஷ் கனகராஜ் தான். தளபதி 67 திரைப்படம் முழுக்க முழுக்க லோகேஷின் ஸ்டைலில் உருவாகி வருவதாக வந்த தகவல் ரசிகர்களின் எதிர்பார்ப்பை இரட்டிப்பாகியுள்ளது
விரைவில் மாஸ்டர் படத்திற்கு பிறகு விஜய் மற்றும் லோகேஷ் கனகராஜ் தளபதி 67 படத்தின் மூலம் மீண்டும் இணைந்துள்ளனர். மாஸ்டர் படத்தில் விஜய்க்காக சில கமர்ஷியல் விஷயங்களை சேர்த்திருந்தார் லோகேஷ். ஆனால் இம்முறை எந்த வித தயக்கமும் இன்றி முழுக்க முழுக்க தன் பாணியில் தளபதி 67 படத்தை எடுத்து வருகின்றார். இந்நிலையில் விஜய் இப்படத்தில் ஐம்பது வயது கேங்ஸ்டராக நடிப்பதாகவும், படத்தில் பாடல்களே இல்லை என்றும் தகவல் வந்துள்ளது. இதையடுத்து ரசிகர்கள் அனைவரும் தளபதி 67 திரைப்படத்தில் வேறு விதமான தளபதியை நாம் பார்க்கலாம் என எதிர்பார்த்து காத்துக்கொண்டிருக்கின்றனர். விரைவில் இப்படத்தின் அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது
ஸ்டார் காஸ்ட்தளபதி 67 திரைப்படத்தில் விஜய்யுடன் இணைந்து நடிகை த்ரிஷா நடிக்கின்றார். இதையடுத்து கௌதம் மேனன், அர்ஜுன், சஞ்சய் தத், மிஸ்கின் என மிப்பெரிய நட்சத்திர பட்டாளமே இப்படத்தில் நடித்து வருகின்றனர். மேலும் இப்படம் லோகேஷின் LCU வில் இணைவதால் கார்த்தி, சூர்யா ஆகியோர் நடிக்கவும் வாய்ப்பிருப்பதாக தகவல்கள் வருகின்றன. இதைத்தொடர்ந்து தளபதி 67 திரைப்படத்தில் உலகநாயகன் கமல்ஹாசன் கேமியோ ரோலில் நடிப்பது கிட்டத்தட்ட உறுதியாகியுள்ளது குறிப்பிடத்தக்கது
சீயான் விக்ரம் இந்நிலையில் சமீபத்தில் நடிகர் சீயான் விக்ரம் தளபதி 67 படத்தில் நடிப்பதாக ஒரு தகவல் இணையத்தில் பரவி வருகின்றது. விக்ரம் படத்தில் ரோலக்ஸ் ரோலில் முதலில் விக்ரமை தான் லோகேஷ் நடிக்கவைப்பதாக இருந்தாராம். பின்பு சில காரணங்களால் விக்ரம் த நடிக்கமுடியாமல் போனதாம். இதையடுத்து தற்போது தளபதி 67 திரைப்படத்தில் நடிப்பதற்காக விக்ரம் 30 நாட்கள் கால்ஷீட் கொடுத்துள்ளதாக தகவல்கள் வருகின்றன. 30 நாட்கள் கால்ஷீட் கொடுத்துள்ளார் என்றால் படத்தில் மிகமுக்கியமான ரோலில் தான் விக்ரம் நடிப்பார் என எதிர்பார்க்கப்படுகின்றது. அநேகமாக படத்தில் மெயின் வில்லனாக விக்ரம் நடிக்கலாம் என்பது குறிப்பிடத்தக்கது