தற்போது திரைவட்டாரங்களில் எங்கு திரும்பினாலும் தளபதி 67 படத்தை பற்றிய பேச்சு தான் போய்க்கொண்டிருக்கிறது. என்னதான் விஜய் நடிப்பில் திரையரங்கில் வாரிசு திரைப்படம் வெற்றிகரமாக ஓடிக்கொண்டிருந்தாலும் அனைவரது கவனமும் தளபதி 67 மீது தான் இருக்கின்றது. அதற்கு மிகமுக்கிய காரணம் இயக்குனர் லோகேஷ் கனகராஜ் தான்.
அவர் கடைசியாக உலகநாயகன் கமல்ஹாசனை வைத்து இயக்கிய விக்ரம் திரைப்படம் மாபெரும் வெற்றிபெற்றது. குறிப்பாக விக்ரம் படத்தில் அவர் பயன்படுத்திய LCU ரசிகர்களிடம் மிகப்பெரிய வரவேற்பை பெற்றது. எனவே இவர் விஜய்யுடன் மாஸ்டர் படத்திற்கு பிறகு மீண்டும் இணைகிறார் என்றவுடன் எதிர்பார்ப்பு இரட்டிப்பானது.
Thalapathy 67: தளபதி 67 படத்தில் விக்ரம் நடிக்கிறாரா? பதில் சொன்ன லோகேஷ்..!
மேலும் இப்படத்தை பற்றி நாளுக்கு நாள் சோஷியல் மீடியாக்களில் வரும் தகவல்கள் ரசிகர்களின் ஆர்வத்தை தூண்டும் விதமாக இருக்கின்றது. என்னதான் இப்படத்தின் பூஜை போடப்பட்டு படப்பிடிப்பு துவங்கினாலும் படத்தைப்பற்றிய அதிகாரபூர்வ அறிவிப்பு இதுவரை வெளியிடவில்லை.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
பிப்ரவரி முதல் வாரம் இப்படத்தின் அறிவிப்பு வெளியாகும் என அனைவராலும் எதிர்பார்க்கப்படுகின்றது. இந்நிலையில் சமீபத்தில் தளபதி 67 படம் LCU வில் இணைந்து உருவாக்கப்பட்டு வருவதாக தகவல் வந்தது. மேலும் இப்படத்தில் உலகநாயகன் கமல்ஹாசன் சிறப்பு தோற்றத்தில் நடிப்பட்டதாகவும் பேசப்பட்டு வந்தது.
இதைத்தொடர்ந்து தற்போது இப்படத்தில் சீயான் விக்ரம் இணைந்துள்ளதாக கடந்த சில நாட்களாக ஒரு செய்தி உலா வருகின்றது. அதற்கு ஏற்றாற்போல விஜய் மற்றும் லோகேஷுடன் விக்ரம் இருக்கும் புகைப்படம் இணையத்தில் வைரலாகி வருகின்றது.
ஆனால் இப்படத்தை பார்க்கும்போதே இது எடிட் செய்யப்பட்டது என அப்பட்டமாக தெரிகின்றது. இருந்தாலும் இதனை சில ரசிகர்கள் இணையத்தில் ஷேர் செய்து வைரலாக்கி வருகின்றனர் என்பது குறிப்பிடத்தக்கது.