சின்னத்திரையிலிருந்து வெள்ளித்திரைக்குள் நுழைந்து படிப்படியாக முன்னேறி தற்போது தமிழ் சினிமாவில் முன்னணி நடிகராகவும், தயாரிப்பாளராகவும், பாடலாசிரியராகவும் கலக்கி வருகிறார் சிவகார்த்திகேயன். கடந்தாண்டு இவர் நடிப்பில் வெளியான ‘டான்’ படம் பாக்ஸ் ஆபிசில் 100 கோடி வரை வசூல் செய்து மிகப்பெரிய சாதனையை படைத்தது.
அறிமுக இயக்குனர் சிபி சக்கரவர்த்தி இயக்கத்தில் வெளியான ‘டான்’ படத்தில் பிரியங்கா மோகன் கதாநாயகியாக நடித்தார். இந்தப்படத்தை தொடர்ந்து தமிழ், தெலுங்கு இரண்டு மொழிகளில் உருவான ‘பிரின்ஸ்’ படத்தில் நடித்தார். அனுதீப் இயக்கிய இந்தப்படத்தில் சத்யராஜ், உக்ரைன் நடிகை மரியா ரியாபோஷாப்கா, பிரேம்ஜி, நவீன் பொலிசெட்டி உள்ளிட்ட பலர் நடித்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தீபாவளி ரிலீசாக வெளியான இந்தப்படம் ரசிகர்கள் மத்தியில் எதிர்பார்த்த வரவேற்பை பெறவில்லை. வெளியான ஒரே வாரத்தில் பல திரையரங்களில் இருந்து படம் தூக்கப்பட்டது ரசிகர்கள் மத்தியில் அதிர்ச்சியை அளித்தது. இதனையடுத்து தற்போது ‘மாவீரன்’ என்ற படத்தில் நடித்து வருகிறார் சிவகார்த்திகேயன்.
Vijay: மருமகள் அனுமதி இல்லாமல் அது நடக்காது: அப்பா எஸ்.ஏ.சி. ஓபன் டாக்.!
‘மண்டேலா’ படத்தின் மூலம் இயக்குனராக அறிமுகமான மடோன் அஸ்வின் கூட்டணியில் ‘மாவீரன்’ படத்தில் நடித்து வருகிறார். இந்தப்படத்தில் அதிதி ஷங்கர் சிவகார்த்திகேயன் ஜோடியாக நடித்து வருகிறார். இதன் படப்பிடிப்பில் இயக்குனருடன் ஏற்பட்ட பிரச்சனை காரணமாக படப்பிடிப்பு பாதியில் நிறுத்தப்பட்டதாக தகவல்கள் வெளியானது.
AK 62: ‘ஏகே 62’ படத்திலிருந்து விலகிய விக்கி: அப்போ அந்த விஷயம் உண்மை தான் போல.!
மேலும் ஏற்கனவே எடுத்த காட்சிகள் சிவகார்த்திகேனுக்கு திருப்தி அளிக்காததால், மீண்டும் ரீ ஷுட் செய்யப்படவுள்ளதாக தகவல்கள் வெளியானது. ஆனால் இதனை தயாரிப்பு தரப்பு மறுத்தது. இந்நிலையில் சிவகார்த்திகேயன் திரையுலகில் அறிமுகமாகி 11 ஆண்டுகள் நிறைவடைந்ததை ஒட்டி, ‘மாவீரன்’ படப்பிடிப்பு தளத்தில் கேக் வெட்டிக் கொண்டாடிய வீடியோ காட்சிகளை படக்குழுவினர் வெளியிட்டுள்ளனர்.
இயக்குனர் மடோன் அஸ்வின் & சிவகார்த்திகேயன் செல்ஃபி எடுத்துக் கொண்ட புகைப்படமும் இணையத்தில் வைரலாகி வருகிறது. மேலும், படக்குழுவினர் ஸ்பெஷல் போஸ்டர் ஒன்றையும் வெளியிட்டுள்ளனர். சாந்தி டாக்கீஸ் நிறுவனம் தயாரிக்கும் ‘மாவீரன்’ படத்தில் இயக்குனர் மிஷ்கின், யோகி பாபு, சரிதா ஆகியோர் முக்கிய கதாபாத்திரத்தில் நடிப்பது குறிப்பிடத்தக்கது.