ரஜினி தமிழ் சினிமாவில் சூப்பர்ஸ்டாராக இருந்தாலும் சமீபகாலமாக அவரது நடிப்பில் வெளியான திரைப்படங்கள் எதிர்பார்த்த வெற்றிகளை பெறவில்லை. இதன் காரணமாக அவரின் மீது சில கடுமையான விமர்சனங்கள் எழுந்தன. ஒரு காலகட்டத்தில் வெற்றிக்கு மேல் வெற்றிகளை குவித்து வந்த சூப்பர்ஸ்டாருக்கு இப்படி ஒரு நிலைமையா என ரசிகர்கள் வருத்தத்தில் இருக்கின்றனர்.
என்னதான் சமீபகாலமாக அவரது படங்கள் தோல்வியை சந்தித்தாலும் மீண்டும் வெற்றிப்பாதைக்கு ரஜினி திரும்புவார் என அவரது ரசிகர்கள் அசைக்கமுடியாத நம்பிக்கையில் இருக்கின்றனர். அந்த நம்பிக்கையை நெல்சனின் இயக்கத்தில் உருவாகும் ஜெயிலர் திரைப்படம் காப்பாற்றும் என காத்துக்கொண்டிருக்கின்றனர் ரசிகர்கள்.
Dhanush: தனுஷின் பேச்சால் ஏற்பட்ட சலசலப்பு..கொந்தளித்த ரசிகர்கள்..!
சன் பிக்சர்ஸ் தயாரிப்பில் நெல்சனின் இயக்கத்தில் உருவாகும் ஜெயிலர் படத்திற்க்கு அனிருத் இசையமைத்து வருகின்றார். மேலும் இப்படத்தில் மோகன்லால், ஷிவ்ராஜ்குமார் என மிகப்பெரிய நட்சத்திர பட்டாளமே நடித்து வருகின்றது. இதன் காரணமாக தற்போது இப்படத்தின் எதிர்பார்ப்பு பலமடங்கு உயர்ந்துள்ளது.
கூலிங் கிளாசுடன் மாஸாக வந்த மோகன்லால்!
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் இப்படம் ஆகஸ்ட் மாதம் அல்லது தீபாவளி பண்டிகையை முன்னிட்டு வெளியாகும் என எதிர்பார்க்கப்படுகின்றது. இதைத்தொடர்ந்து கடந்த டிசம்பர் 12 ஆம் தேதி ரஜினியின் பிறந்தநாளை முன்னிட்டு பாபா திரைப்படம் ரீரிலீஸ் செய்யப்பட்டது.
ரஜினியின் தயாரிப்பில் அவரே கதை திரைக்கதை எழுதிய பாபா திரைப்படம் கடந்த 2002 ஆம் ஆண்டு வெளியாகி தோல்வியை சந்தித்தது. என்னதான் இப்படம் தோல்வியை சந்தித்தாலும் ரஜினி ரசிகர்களின் விருப்பத்திற்குரிய படமாகவே பாபா இருக்கின்றது. இதன் காரணமாக பாபா படத்தின் ரீரிலீசிற்கு அமோகமான வரவேற்பு இருந்தது.
இந்நிலையில் ரஜினி திடீரென பாபா படத்தை ரீரிலீஸ் செய்ய ஒரு காரணம் இருப்பதாக தகவல் வந்துள்ளது. அதாவது ரஜினிக்கு ஜோசியத்தில் நிறைய நம்பிக்கை இருக்கின்றது. எனவே ஜோசியர் ஒருவர் ரஜினியின் அடுத்த திரைப்படம் தோல்வி படமாக அமைய வாய்ப்பிருக்கின்றது என கூறியுள்ளார்.
கட்டாய வெற்றியை எதிர்பார்த்து காத்திருக்கும் ரஜினிக்கு இந்த செய்தி அதிர்ச்சியை ஏற்படுத்தியுள்ளது. இதையடுத்து தான் தன் அடுத்த படமாக ஏற்கனவே வெளியான திரைப்படத்தை ரீரிலீஸ் செய்யலாம் என முடிவெடுத்து தன் சொந்த படமான பாபா திரைப்படத்தை ரஜினி ரீரிலீஸ் செய்துள்ளார் என ஒரு தகவல் பரவி வருகின்றது. ஆனால் இது எந்தளவிற்கு உண்மை என தெரியவில்லை என்பது குறிப்பிடத்தக்கது.