அரசியலை நையாண்டி செய்யும் 'பப்ளிக்'
கே.கே.ஆர் சினிமாஸ் தயாரிக்க, ரா.பரமன் இயக்கத்தில் சமுத்திரக்கனி, காளி வெங்கட், ரித்திகா ஆகியோர் நடிக்கும் திரைப்படம் 'பப்ளிக்'. இந்த படம் முந்தைய மற்றும் சமகால அரசியலை நையாண்டி செய்யும் படமாக உருவாகி உள்ளது.
இந்த படத்தின் பர்ஸ்ட் லுக் போஸ்டரே பரபரப்பை ஏற்படுத்தியது. சிங்காரவேலர், ரெட்டைமலை சீனிவாசன்,அயோத்திதாச பண்டிதர், நடேசனார், கக்கன், சத்தியமூர்த்தி, பாரதிதாசன், இளையபெருமாள், பட்டுகோட்டைஅழகிரி, ஜீவா, நெடுஞ்செழியன், மூக்கையாதேவர், ராமமூர்த்தி, அன்னிபெசன்ட் அம்மையார், காயிதேமில்லத் படங்களை வைத்து வெளியிட்ட பாஸ்ட் லுக் போஸ்டர் பரபரப்பை ஏற்படுத்தியது.
அடுத்ததாக வெளியான ஸ்னீக்பீக்கில் அரசியல் தலைவர் ஒருவர், தமிழே அறியாத ஒரு பெண்ணுக்கு தனது கட்சிப் பெயரை சொல்லித்தருவது போலவும், “கட்சி பெயரே சொல்ல வரலை.. எப்படி சீட் வாங்கித் தருவது” என்று கேட்பது போலவும் வெளியாகி பரபரப்பை ஏற்படுத்தியது. திருக்குறள் எழுதுனது திருவள்ளுவரா என்று இலக்கிய அணி பொறுப்புக்கு வரும் ஒருவர் கேட்கும் வீடியோ வெளியானது. இந்த நிலையில் தற்போது படத்தின் முதல் பாடலான “உருட்டு…உருட்டு” பாடல் அரசியல் கட்சிகளை வெளிப்படையாகவே கிண்டல் செய்து உருவாகி உள்ளது.