அமெரிக்காவின் கலிப்போர்னியாவை தலைமையிடமாக கொண்டு இயங்கி வரும் சிலிக்கான் வேலி பேங்க் பங்குகள் 85 சதவீதம் சரிந்ததால், அந்நாட்டு வங்கி துறை பெரும் அதிர்ச்சிக்குள்ளாகி உள்ளது. சிலிக்கான் வேலி வங்கி (SVB) ஸ்டார்ட்அப் மற்றும் வென்சர் கேப்பிடல் நிறுவனங்களுக்கு அதிகப்படியான டெபாசிட் பெறுவதும், நிதியுதவிகளை அளிக்கும் சேவைகளை செய்து வருகிறது என்பது குறிப்பிடத்தக்கது.
சிலிக்கான் வேலி வங்கி திவால்
பொருளாதார நிலையில் அமெரிக்காவிற்கு பெரும் பாதிப்பை ஏற்படுத்தும் சிலிக்கான் வேலி வங்கி திவால் செய்தி, அமெரிக்க சந்தைகளில் பரபரப்பை ஏற்படுத்தியது. 2008 பொருளாதார நெருக்கடியின் போது வாஷிங்டன் மியூச்சுவல் மூழ்கிய பிறகு, மிகப் பெரிய பொருளாதார நெருக்கடி ஏற்பட்ட நிலையில், இது அதை போன்று மிகவும் பாதிப்பை ஏற்படுத்துவதாக கருதப்படுகிறது. ஸ்டார்ட்அப்களில் கவனம் செலுத்தும் சிலிக்கான் வேலி வங்கி திவால் என அறிவிக்கப்பட்டு, அமெரிக்காவின் ஃபெடரல் டெபாசிட் இன்சூரன்ஸ் கார்ப்பரேஷன் (FDIC) அதன் நிர்வாகத்தை கைப்பற்றியது
வங்கி அலுவலகங்கள் மார்ச் 13ம் தேதி திறக்கப்படும்
ராய்ட்டர்ஸ் அறிக்கையின்படி, சிலிக்கான் வேலி வங்கியின் அலுவலகங்கள் மார்ச் 13 அன்று திறக்கப்படும் என்று FDIC தெரிவித்தது. காப்பீடு செய்த முதலீட்டாளர்கள் காப்பீட்டுத் தொகையைப் பெறுவார்கள். ஆனால் 2022 ஆம் ஆண்டின் இறுதியில், வங்கியின் $ 175 பில்லியன் டெபாசிட்களில், 89% டெபாசிட்கள் காப்பீடு செய்யப்படவில்லை என்பது அறியப்படுகிறது. ஆதாரங்களை மேற்கோள் காட்டி, FDIC மற்றொரு வங்கியை சிலிக்கான் வேலியுடன் இணைக்க முயற்சிப்பதாகக் கூறப்பட்டது. இந்த நடவடிக்கையில் மூலம், பாதுகாப்பற்ற முதலீடுகளுக்கு பாதுகாப்பு வழங்க முடியும்.
மேலும் படிக்க | 104 பயணிகளுடன் மாயமான ரயில்! 100 ஆண்டுகளாக தொடரும் தேடுதல் வேட்டை!
அமெரிக்காவின் 16வது பெரிய வங்கி
சிலிக்கான் வேலி வங்கி அமெரிக்காவின் 16வது பெரிய வங்கியாகும். இந்த வங்கி தொழில்நுட்பத் துறையில் பெரும் பங்கைக் கொண்டிருந்தது. அமெரிக்காவில் வட்டி விகிதங்கள் அதிகரித்து வருவதால் முதலீட்டாளர்கள் எச்சரிக்கையாக உள்ளனர். இதற்கிடையில், வங்கியின் வாடிக்கையாளர்கள் தங்கள் பணத்தை எடுக்கத் தொடங்கினர். இந்நிலையில், வங்கி தனது நிலையை வலுப்படுத்த 1.75 பில்லியன் டாலர் நிதி திரட்டுவதாக அறிவித்தது. இந்த அறிவிப்புக்குப் பிறகு வங்கியின் நிதி நிலை குறித்த கேள்விகள் எழத் தொடங்கின. வங்கியின் தாய் நிறுவனமான SVB ஃபைனான்சியல் குழுமத்தின் பங்குகளும் 70% சரிந்தன.
மேலும் படிக்க | 6 மாதங்களுக்கு ஒரு முறை நாட்டை மாற்றும் தீவு! 364 ஆண்டு கால நடைமுறை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ