விஜய்யின் படங்கள் சுமாராக இருந்தாலும் சூப்பராக இருந்தாலும் வசூலுக்கு எந்த பாதிப்பும் வராது என்பதை அடித்து சொல்லலாம். விமர்சனங்களுக்கு அப்பாற்பட்டு விஜய்யின் படங்களின் வசூலில் சாதனை படைத்தது வருவதால் தான் அவரை தமிழ் சினிமாவின் வசூல் நாயகன் என அழைத்து வருகின்றனர்.
படத்திற்கு படம் வசூலில் புது புது சாதனையை படைத்து வரும் தளபதி தற்போது லோகேஷ் கனகராஜின் இயக்கத்தில் லியோ திரைப்படத்தில் நடித்து வருகின்றார். மிகப்பிரமணடமாக உருவாகும் இப்படத்தின் மூலம் ஆயிரம் கோடி வசூலை எட்டி மிகப்பெரிய சாதனையை படைக்க விஜய் திட்டம் போட்டுள்ளார்.
அதற்கேட்டாற்போல படத்திற்கு ரசிகர்களின் மத்தியில் மிகப்பெரிய எதிர்பார்ப்பு இருந்து வருகின்றது. இந்நிலையில் அந்த திட்டத்தை முறியடிக்கும் வகையில் சில சதிகள் நடந்து வருவதாக விஜய் ரசிகர்கள் குற்றம்சாட்டி வருகின்றனர்.
Atlee: தயாரிப்பாளரை கால்பந்து மாதிரி எட்டி உதைத்த அட்லீ..கிழித்தெடுத்த கே.ராஜன்..வாய்விட்டு சிரித்த ஹீரோ..!
அதாவது லியோ படம் வெளியாகும்போது இந்தியன் 2 மற்றும் ஜவான் ஆகிய படங்களையும் வெளியிட்டு லியோ படத்தின் வசூலை சிதறடிக்க திட்டம் போட்டுள்ளதாக ரசிகர்கள் கூறி வருகின்றனர். இந்திய சினிமாவே எதிர்பார்த்து காத்திருக்கும் இந்தியன் 2 திரைப்படம் லியோ வெளியான இரண்டே வாரங்களில் தீபாவளி பண்டிகையை முன்னிட்டு வெளியாகின்றது.
அதே போலஅட்லீ இயக்கத்தில் ஷாருக்கான் நடிப்பில் உருவாகும் ஜவான் திரைப்படம் லியோ படத்துடன் நேரடியாக மோதுகிறது. இவ்விரு படங்களும் மிகப்பெரிய எதிர்பார்ப்பில் இருக்கும் படங்கள் என்பதால் இதன் காரணமாக லியோ படத்தின் வசூல் கடுமையாக பாதிக்கப்படும் என விஜய் ரசிகர்கள் கவலையில் இருக்கின்றனர்.
மேலும் இதெல்லாம் லியோ திரைப்படம் ஆயிரம் கோடி வசூலை எட்டக்கூடாது என்பதற்காக நடக்கும் சதி தான் என ரசிகர்கள் சிலர் குற்றம்சாட்டி வருகின்றனர். ஒரு சிலரோ அஜித்தின் துணிவு திரைப்படம் வெளியானபோதே விஜய்யின் வாரிசு திரைப்படம் மிகபெரிய வசூல் சாதனையை செய்தது.
சுமாரான விமர்சனங்களை பெற்ற வாரிசு படமே வசூலில் சாதிக்கும் போது லியோ படம் கண்டிப்பாக தரமாக இருக்கும் என்பதால் எந்த கவலையும் வேண்டாம். கண்டிப்பாக ஆயிரம் கோடி வசூலை லியோ குவிக்கும் என விஜய் ரசிகர்கள் நம்பிக்கை தெரிவித்து வருகின்றனர்.
இந்நிலையில் தற்போது விறுவிறுப்பாக நடைபெற்று வரும் லியோ படத்தின் படப்பிடிப்பை விரைவில் முடித்துவிட்டு படத்தை அக்டோபர் மாதம் 19 ஆம் தேதி வெளியிட படக்குழு திட்டமிட்டுள்ளது என்பது குறிப்பிடத்தக்கது.