நாட்டின் முக்கியப் பகுதிகளை இணைக்கும் வகையில் அதிவேக வந்தே பாரத் எக்ஸ்பிரஸ் சேவை அறிமுகம் செய்யப்பட்டு வருகிறது. இதுவரை 14 வந்தே பாரத் எக்ஸ்பிரஸ்கள் பயன்பாட்டிற்கு வந்துள்ளன. இந்நிலையில் கேரள மாநிலத்தின் முதல் வந்தே பாரத் எக்ஸ்பிரஸ் சேவையை வரும் 25ஆம் தேதி காலை 10.30 மணிக்கு பிரதமர் மோடி கொடியசைத்து தொடங்கி வைக்கிறார். இது தெற்கு ரயில்வேயின் மூன்றாவது ரயில் என்பது குறிப்பிடத்தக்கது.
பிரதமர் மோடி தொடங்கி வைக்கிறார்கேரள மாநிலத்தின் திருவனந்தபுரம், கொல்லம், கோட்டயம், எர்ணாகுளம், திருச்சூர், பாலக்காடு, பத்தினம்திட்டா, மலப்புரம், கோழிக்கோடு, கண்ணூர், காசர்கோடு என 11 மாவட்டங்கள் வழியாக செல்கிறது. இதற்காக திருவனந்தபுரம் வரும் பிரதமர் மோடி, வந்தே பாரத் எக்ஸ்பிரஸ் ரயிலுடன் 3,200 கோடி ரூபாய் மதிப்பிலான பல்வேறு நலத்திட்டங்களை கேரளாவில் தொடங்கி வைக்கிறார்.
ரயில் சேவை தற்காலிகமாக நிறுத்தம்
கேரளாவின் முதல் வந்தே பாரத் எக்ஸ்பிரஸ்அதில் திண்டுக்கல் – பழனி – பாலக்காடு மின்சார வழித்தட சேவை குறிப்பிடத்தக்கது. மேலும் திருவனந்தபுரத்தில் டிஜிட்டல் அறிவியல் பூங்காவிற்கு அடிக்கல் நாட்டுகிறார். கொச்சியில் தண்ணீர் மெட்ரோ சேவையை தொடங்கி வைக்கிறார். அதே நகரில் பேட்டரியில் இயங்கும் எலக்ட்ரிக் ஹைபிரிட் படகு சேவையையும் தொடங்கி வைக்கவுள்ளார். இது திருவனந்தபுரம் முதல் காசர்கோடு வரை இயக்கப்படவுள்ளது.
திருவனந்தபுரம் டூ கண்ணூர் வந்தே பாரத் எக்ஸ்பிரஸ்… 7 மணி நேரம் தான்… கேரளாவில் கொல மாஸ் பயணம்!
8 மணி நேர பயணம்இதையொட்டி இரண்டு முறை சோதனை ஓட்டங்கள் நிறைவு பெற்றுள்ளன. மொத்தமுள்ள 587 கிலோமீட்டர் தூரத்தை 8 மணி நேரம் 5 நிமிடங்களில் ரயில் கடந்து செல்லும். சராசரியாக மணிக்கு 73 கிலோமீட்டர் வேகத்தில் ரயில் இயக்கப்படும். அதிகபட்ச வேகம் 110 கிலோமீட்டராக இருக்கும். தற்போது திருவனந்தபுரம் டூ காசர்கோடு வரையிலான தூரத்தை ராஜ்தானி எக்ஸ்பிரஸ் சுமார் 9 மணி நேரத்தில் கடந்து செல்கிறது.
தெற்கு ரயில்வே அறிவிப்பு
ஷோரனூரில் நிறுத்தம்புதிய வந்தே பாரத் எக்ஸ்பிரஸ் வியாழன் அன்று மட்டும் ரயில் இயக்கப்படாது. மற்ற 6 நாட்களும் ரயில் இயங்கும். கண்ணூர், கோழிக்கோடு, திருச்சூர், எர்ணாகுளம், கோட்டயம், கொல்லம் ஆகிய ரயில் நிலையங்களில் நின்று செல்லும் எனத் தெரிவிக்கப்பட்டுள்ளது. இதற்கிடையில் ஷோரனூரில் ரயில் நின்று செல்ல வேண்டும் என்று பாலக்காடு எம்.பி வி.கே.ஸ்ரீகண்டன் உள்ளிட்ட பலர் கோரிக்கை விடுத்தனர்.
நேர அட்டவணைஇதன் விளைவாக ஷோரனூரில் 2 நிமிடங்கள் ரயில் நின்று செல்லும் என்று அறிவிப்பு வெளியாகியுள்ளது. மேலும் வந்தே பாரத் எக்ஸ்பிரஸின் நேர அட்டவணை வெளியாகி எதிர்பார்ப்பை கூட்டியிருக்கிறது. அதன்படி, ரயில் எண் 20634 கொண்ட திருவனந்தபுரம் டூ காசர்கோடு வந்தே பாரத் எக்ஸ்பிரஸ் அதிகாலை 5.20 மணிக்கு புறப்படுகிறது.
திருப்பதி தரிசனத்தில் முக்கிய மாற்றம்… அலிபிரி டூ காளி கோபுரம்… இலவச டோக்கனுக்கு சீல்!
ரயில் நிறுத்தங்கள்கொல்லம் 6.07 மணி, கோட்டயம் 7.25 மணி, எர்ணாகுளம் டவுன் 8.17 மணி, திருச்சூர் 9.22 மணி, ஷோரனூர் 10.02 மணி, கோழிக்கோடு 11.03 மணி, கண்ணூர் 12.03 மணி, காசர்கோடு 1.25 மணிக்கு சென்றடையும்.
இதேபோல் ரயில் எண் 20633 கொண்ட காசர்கோடு டூ திருவனந்தபுரம் ரயில் பிற்பகல் 2.30 மணிக்கு புறப்படுகிறது. கண்ணூர் 3.28 மணி, கோழிக்கோடு 4.28 மணி, ஷோரனூர் 5.28 மணி, திருச்சூர் 6.03 மணி, எர்ணாகுளம் டவுன் 7.05 மணி, கோட்டயம் 8 மணி, கொல்லம் 9.18 மணி, திருவனந்தபுரத்தில் 10.35 மணிக்கு வந்தடைகிறது.