ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
தென்னிந்திய திரையுலகில் பிரபலமான நடிகராக வலம் வருபவர் தான் பிரபாஸ். பாகுபலி படத்திற்கு பிறகு இவரின் மார்கெட் எங்கேயே சென்றுவிட்டது. தற்போது தென்னிந்தியாவில் அதிக சம்பளம் வாங்கும் நடிகராக இருக்கும் பிரபாஸிற்கு பாகுபலி படத்திற்கு பிறகு எந்த ஒரு படமும் வெற்றிபெறவில்லை.
அதன் பின் அவர் நடிப்பில் வெளியான சாஹோ, ராதே ஷ்யாம் படங்கள் மிகப்பிரமாண்டமான பட்ஜெட்டில் உருவானாலும் தோல்வியையே சந்தித்தது. இருந்தாலும் பிரபாஸின் மார்க்கெட்டும், அவரின் சம்பளமும் படத்திற்கு படம் உயர்ந்துகொண்டே தான் இருக்கின்றது. தற்போது சலார், ப்ராஜெக்ட் k ஆகிய படங்களில் நடித்து வரும் பிரபாஸ் தற்போது ஆதிபுருஷ் என்ற படத்தில் நடித்து முடித்துள்ளார்.
Vijay: மக்கள் இயக்க நிர்வாகிகளுடன் நடந்த மீட்டிங்..விஜய் போட்ட உத்தரவு..மீறாத ரசிகர்கள்..!
ஓம் பிரகாஷ் ராவத் இயக்கத்தில் உருவான இப்படம் இன்று திரையில் வெளியாகிவுள்ளது. கிட்டத்தட்ட 500 கோடி பட்ஜெட்டில் உருவான இப்படம் வசூலில் சாதனை படைக்கும் என்ற எதிர்பார்ப்பில் இன்று உலகம் முழுக்க வெளியாகியுள்ளது.
திரையரங்கிற்கு வந்த குரங்கு
இந்நிலையில் இப்படத்தின் டீசர் ஆறு மாதங்களுக்கு முன்னரே வெளியாகி கடுமையான விமர்சனங்களை பெற்றது. அதன் பிறகு படத்தின் VFX காட்சியை சரிசெய்து படத்தை தாமதமாகவே தற்போது வெளியிட்டுள்ளனர். இதையடுத்து மிகப்பெரிய எதிர்பார்ப்பில் வெளியான இப்படம் கலவையான விமர்சனங்களையே தற்போது பெற்று வருகின்றது.
இந்நிலையில் இப்படம் வெளியாகும் முன்பே இயக்குனர் ஓம் பிரகாஷ் ராவத் திரையரங்கிற்கு ஒரு வேண்டுகோள் ஒன்றை வைத்தார். அதாவது திரையரங்கங்களில் ஒரு சீட்டை ஆஞ்சநேயருக்காக ஒதுக்கவேண்டும் என அவர் கேட்டுக்கொண்டார். அதன்படி திரையரங்கங்கள் அனைத்தும் ஒரு சீட்டை ஆஞ்சநேயருக்காக ஒதுக்கினர்..
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது ஆதிபுருஷ் திரைப்படம் முதல் நாள் முதல் காட்சியை ரசிகர்கள் பார்த்து கொண்டாடி வருகின்றனர். என்னதான் இப்படம் கலவையான விமர்சனங்களை பெற்றாலும் பிரபாஸின் ரசிகர்கள் ஆதிபுருஷை கொண்டாடி வருகின்றனர். இதைத்தொடர்ந்து தற்போது ஒரு திரையரங்கில் ஆதிபுருஷ் படம் திரையிட்டபோது குரங்கு ஒன்று திரையரங்கிற்குள் நுழைந்தது தான் இணையத்தில் வைரலாகி வருகின்றது.
ஆதிபுருஷ் முதல் நாள் முதல் ஷோவை பார்த்துக்கொண்டிருந்த ரசிகர்கள் திரையரங்கிற்குள் குரங்கு நுழைந்ததை பார்த்து ஆச்சரியப்பட்டனர். அதனை வீடியோ எடுத்து சமூகத்தளங்களில் ரசிகர்கள் பதிவிட்டுள்ளனர்.அந்த வீடியோ தான் தற்போது இணையத்தில் செம வைரலாகி வருகின்றது.