ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
நாக் அஸ்வின் இயக்கத்தில் பிரபாஸ், தீபிகா படுகோன், அமிதாப் பச்சன் உள்ளிட்டோர் நடித்து வரும் படம் ப்ராஜெக்ட் கே. அந்த படத்தில் ஒரு பயங்கரமான வில்லன் கதாபாத்திரம் இருக்கிறதாம். அந்த கதாபாத்திரத்திற்கு உலக நாயகன் கமல் ஹாசனை தவிர வேறு யாரும் சரியாக இருக்க மாட்டார்கள் என தயாரிப்பாளர் அஸ்வினி தத் நினைத்ததாக தகவல் வெளியானது.
“California-ல இருக்க பொண்ணுனால இது எப்படி பண்ண முடிஞ்சுது” சுஹாசினி மணிரத்தினம்!
இந்நிலையில் ப்ராஜெக்ட் கே படத்தில் கமல் ஹாசன் நடிக்கிறார் என சூப்பரான போஸ்டர் மற்றும் வீடியோவை வெளியிட்டுள்ளது தயாரிப்பு நிறுவனம்.
அந்த போஸ்டரும் சரி, வீடியோவும் சரி தமிழ் ரசிகர்களுக்கு மிகவும் பிடித்துவிட்டது. கமலுக்கு தெலுங்கு திரையுலகில் எவ்வளவு மதிப்பு இருக்கிறது என்பது இதன் மூலம் தெரிய வருகிறது. வாழ்த்துக்கள் ஆண்டவரே என தெரிவித்துள்ளனர் ரசிகர்கள்.
ஹீரோக்கள் எல்லாம் வில்லன்களாகவும் நடித்து வரும் நிலையில் தான் கமல் ஹாசனும் அண்டை மாநிலத்திற்கு சென்று பிரச்சனை பண்ணப் போகிறார். பிரபாஸ் படத்தில் நடிக்க 30 நாட்கள் டேட்ஸ் ஒதுக்கித் தருமாறு நாக் அஸ்வின் கேட்டாராம். கமலும் 30 நாட்களை ஒதுக்கிக் கொடுத்திருக்கிறாராம்.
முன்னதாக ப்ராஜெக்ட் கே படத்தில் நடிக்க கமல் ஹாசனுக்கு ரூ. 150 கோடி சம்பளம் என தகவல் வெளியாகி ரசிகர்களை வியக்க வைத்தது. அடேங்கப்பா, ஹீரோ பிரபாஸுக்கே ரூ. 50 கோடி தான், ஆனால் வில்லன் கமலுக்கு ரூ. 150 கோடியாமே என ரசிகர்கள் வியந்தார்கள்.
ஹீரோ பிரபாஸுக்கு ரூ. 50 கோடி, ஆனால் வில்லன் கமலுக்கு ரூ. 150 கோடி சம்பளமா?!
பிரபாஸுடன் மோத கமலுக்கு ரூ. 150 கோடி சம்பளம் எல்லாம் பேசவில்லையாம். அந்த ரூ. 150 கோடி மேட்டர் வெளியாகி வைரல் ஆனதால் ப்ராஜெக்ட் கே படத்தில் நடிக்க கமலுக்கு எவ்வளவு தான் சம்பளம் பேசியிருக்கிறார்கள் என்பதை தெரிந்து கொள்ள ரசிகர்கள் ஆவலாக இருக்கிறார்கள்.
ப்ராஜெக்ட் கே படத்தின் 70 சதவீத காட்சிகளை படமாக்கி முடித்துவிட்டார்கள். அதில் கிராபிக்ஸ் வேலை அதிகமாக உள்ளது. கடந்த 5 மாதங்களாக கிராபிக்ஸ் பணிகள் நடந்து வருகிறது. அடுத்த ஆண்டு வரை தொடர்ந்து நடக்கும் என தயாரிப்பாளர் அஸ்வினி தத் தெரிவித்துள்ளார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கமல் ஹாசன் தற்போது ஷங்கர் இயக்கத்தில் இந்தியன் 2 படத்தில் நடித்து வருகிறார். அந்த பட வேலை முடிந்ததும் ஹெச். வினோத் இயக்கத்தில் கே.ஹெச். 233 படத்தில் நடிக்கிறார். ஹெச். வினோத் படத்தை அடுத்து தனக்கு ராசியான மணிரத்னம் இயக்கத்தில் நடிக்கவிருக்கிறார்.
Kamal Haasan: நீங்க தான் வேணும், இந்தா புடிங்க: கமலுக்கு லைப்டைம் செட்டில்மென்ட் கொடுத்த பிக் பாஸ்?
இதற்கிடையே பிக் பாஸ் நிகழ்ச்சியின் 7வது சீசனை தொகுத்து வழங்கவிருக்கிறார். பிக் பாஸ் நிகழ்ச்சியை தொகுத்து வழங்க கமலுக்கு ரூ. 130 கோடி கொடுத்திருக்கிறார்களாம்.
இவ்வளவு பிசியாக இருக்கும் கமல் ஹாசன், ப்ராஜெக்ட் கே படத்திற்கு 30 நாட்களை எப்படி ஒதுக்கிக் கொடுத்தார் என ரசிகர்கள் வியக்கிறார்கள்.
நடிப்பு தவிர்த்து சிம்பு, சிவகார்த்திகேயன், தனுஷ், ரஜினிகாந்த் ஆகியோரின் படங்களை தயாரிக்கிறார் கமல். எங்கே கமல் நடிப்பை விட தயாரிப்புக்கு முக்கியத்துவம் கொடுத்து அப்படியே சென்றுவிடுவாரோ என ரசிகர்கள் பயந்தார்கள்.
Kamal Haasan: 7 புது ரிலீஸுக்கு இடையே ஹவுஸ்ஃபுல்லாக ஓடும் வேட்டையாடு விளையாடு: கெத்து காட்டும் கமல்
இந்நிலையில் தான் கமல் ஹாசன் நடிக்கும் படங்கள் குறித்து தொடர்ந்து அறிவிப்பு வெளியாகிக் கொண்டிருக்கிறது.