ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதி நடிப்பில் மாரி செல்வராஜின் இயக்கத்தில் வெளியான திரைப்படம் தான் மாமன்னன். இப்படத்தில் வடிவேலு முக்கிய கதாபாத்திரத்தில் நடிக்க அவருடன் கீர்த்தி சுரேஷ், ஃபஹத் ஃபாசில் ஆகியோரும் நடித்திருக்க ஏ.ஆர் ரஹ்மான் இப்படத்திற்கு இசையமைத்துள்ளார்.
மிகப்பெரிய எதிர்பார்ப்பில் வெளியான இப்படம் பக்ரீத் பண்டிகையை முன்னிட்டு திரையில் வெளியானது. படத்திற்கு இருந்த எதிர்பார்ப்பும், இதுவே உதாயநிதி நடிக்கும் கடைசி படம் என்பதாலும் மாமன்னன் படத்தை காண ரசிகர்கள் ஆவலாக இருந்தனர். அதன் விளைவாக இப்படத்தின் ப்ரீ புக்கிங் அமோகமாக இருந்தது.
மாமன்னன் வெற்றி விழா
முன்பதிவின் மூலமே இப்படம் பல கோடி வசூலை ஈட்டியது. இதையடுத்து சில நாட்களுக்கு முன்பு வெளியான மாமன்னன் திரைப்படம் ரசிகர்களின் பேராதரவு பெற்று வெற்றிநடைபோட்டு வருகின்றது. மாமன்னன் படத்திற்காக மாரி செல்வராஜ் எடுத்துக்கொண்ட கதைக்களம் மிகவும் தேவையான ஒன்று என பலர் அவரை பாராட்டி வருகின்றனர்.
Jailer update: வெளியான ஜெயிலர் படத்தின் முதல் விமர்சனம்..படம் எப்படி இருக்கு தெரியுமா ?
இந்நிலையில் மாமன்னன் திரைப்படம் வெளியான முதல் நாளில் மட்டும் கிட்டத்தட்ட 10 கோடி வரை வசூலித்துள்ளது. உதயநிதியின் திரைவாழ்க்கையில் முதல் நாளில் அதிக வசூலை ஈட்டிய படமாக மாமன்னன் உருவெடுத்தது. இதையடுத்து என்னதான் இரண்டாம் நாளில் வசூல் சற்று குறைந்தாலும் மொத்தமாக இதுவரை மாமன்னன் திரைப்படம் 20 கோடிக்கு மேல் வசூலித்துள்ளது.
இந்நிலையில் மாமன்னன் திரைப்படம் வெளியான இரண்டே நாட்களில் இப்படத்தின் வெற்றிவிழாவை நடத்தியுள்ளார் உதயநிதி. இசைப்புயல் ஏ.ஆர் ரஹ்மானுடன் இணைந்து படக்குழுவினர் இப்படத்தின் வெற்றியை கேக் வெட்டி கொண்டாடியுள்ளனர். படம் வெளியான இரண்டே நாட்களில் வெற்றி விழா கொண்டாடுவதா என் சிலர் விமர்சித்தும் வருகின்றனர்.
வெளியான காரணம்
இந்நிலையில் இதற்கான காரணம் பற்றிய தகவல் தற்போது வெளியாகியுள்ளது. அதாவது மாமன்னன் திரைப்படம் இதுவரை அதிக வசூலை ஈட்டியுள்ளது. இதுவரை செய்த வசூலை வைத்தே உதயநிதி முழு திருப்தியில் இருக்கிறாராம். மேலும் படத்திற்கு முன்பதிவும் சிறப்பாக இருப்பதால் இப்படம் கண்டிப்பாக பிரமாண்டமான வெற்றியை பெறுவது உறுதி என உதயநிதி கணித்துள்ளார்.
அதன் காரணமாகவே உதயநிதி இரண்டே நாட்களில் மாமன்னன் சக்ஸஸ் மீட்டை நடத்தியிருக்க கூடும் என சிலர் பேசி வருகின்றனர் என்பது குறிப்பிடத்தக்கது.