துருவ் விக்ரமிற்கு இசையமைக்கும் ஏ.ஆர்.ரஹ்மான்!
நடிகர் விக்ரமின் மகன் மற்றும் நடிகர் துருவ் விக்ரம் ஆதித்ய வர்மா, மகான் ஆகிய படங்களில் முதன்மை கதாபாத்திரங்களில் நடித்திருந்தார். இதையடுத்து விரைவில் இயக்குனர் மாரி செல்வராஜ் இயக்கத்தில் துருவ் கதாநாயகனாக நடிக்க உள்ளார். இது கபடி வீரர் குறித்த படமாகும்.
இதை தொடர்ந்து டாடா பட இயக்குனர் கணேஷ் கே பாபு இயக்கத்தில் துருவ் ஒரு படத்தில் நடிக்கவுள்ளார். இந்த படத்தை லைகா புரொடக்சன்ஸ் நிறுவனம் தயாரிக்கின்றனர் என்ற தகவல் ஏற்கனவே வெளியானது. இந்த நிலையில் இந்த படத்திற்கு இசையமைப்பாளர் ஏ.ஆர்.ரஹ்மான் இசையமைப்பதாக கூறப்படுகிறது. விரைவில் இது குறித்து அதிகாரப்பூர்வ அறிவிப்பு வெளியாகும் என்கிறார்கள்.