நீண்ட தலை முடி, தாடி, மீசையுடன் சுற்றும் சிம்பு
பத்து தல படத்தை அடுத்து தேசிங்கு பெரியசாமி இயக்கும் தனது 48வது படத்தில் நடிக்கப் போகிறார் சிம்பு. கமலின் ராஜ்கமல் பிலிம்ஸ் தயாரிக்கும் இந்த படத்திற்காக சமீபத்தில் வெளிநாடு சென்று மார்க்ஷியல் கலைகளை பயின்றுவிட்டு திரும்பினார் சிம்பு. இந்த படத்திற்காக ஜிம்னாஸ்டிக் பயிற்சிகளில் அவர் ஈடுபட்டு வந்தார். தொடர்ந்து படப்பிடிப்புக்காக நீண்ட தலைமுடியும் வளர்த்து வந்தார். இந்த நிலையில், தற்போது மலேசியாவில் நடைபெற்ற யுவன் சங்கர் ராஜாவின் இசை நிகழ்ச்சியில் கலந்து கொள்ள சென்றிருந்த சிம்பு, அங்குள்ள விமான நிலையத்தில் செல்லும் புகைப்படங்கள் சோசியல் மீடியாவில் வைரலாகின. அதில், நீண்ட தலைமுடி மற்றும் தாடி, முறுக்கு மீசை கெட்டப்பில் கூலிங் கிளாஸ் அணிந்தபடி இருக்கிறார் சிம்பு. இதைப் பார்த்த நெட்டிசன்கள், இதுதான் சிம்பு 48 வது படத்தின் கெட்டப்பா? என்று கேள்வி எழுப்பி வருகிறார்கள்.