சிவகார்த்திகேயன் நடிப்பில் அஸ்வினின் இயக்கத்தில் வெளியான திரைப்படம் தான் மாவீரன். மண்டேலா என்ற தேசிய விருது பெற்ற படத்தை இயக்கிய அஸ்வின் சிவகார்த்திகேயனுடன் இணைகிறார் என்றவுடன் படத்தின் மீதான எதிர்பார்ப்பு பலமடங்கு உயர்ந்தது.
இதையடுத்து இப்படத்தில் அதிதி ஷங்கர், யோகி பாபு, சரிதா ஆகியோர் நடிக்க மிஸ்கின் வில்லனாக நடித்துள்ளார். இந்நிலையில் இப்படத்தின் ட்ரைலர் சில வாரங்களுக்கு முன்பு வெளியாகி ரசிகர்களிடம் நல்ல வரவேற்பை பெற்றதை அடுத்து படத்தின் மீதான எதிர்பார்ப்பு பலமடங்கு உயர்ந்தது.
மாவீரன் வரவேற்பு
மேலும் இப்படம் வழக்கமான கமர்ஷியல் படமாக இல்லாமல் சற்று வித்யாசமான கோணத்தில் இருக்கும் என்பது ட்ரைலரை பார்த்தவுடனே தெரிந்தது. குறிப்பாக சிவகார்த்திகேயன் இப்படத்தில் முற்றிலும் மாறுபட்ட நடிப்பை வெளிப்படுத்தியுள்ளார் எனவும் தகவல்கள் வந்தன.
Maaveeran: வெறும் 1000 ரூபாய் மட்டும் வாங்கிக்கொண்டு மாவீரன் படத்தில் நடித்த சிவகார்த்திகேயன்.நெகிழ்ச்சியாக பேசிய தயாரிப்பாளர்..!
இந்நிலையில் நேற்று வெளியான மாவீரன் திரைப்படம் படத்தின் மீதான எதிர்பார்ப்பை பூர்த்தி செய்தது என்றுதான் சொல்லவேண்டும். எளிமையான கதைக்களத்தை மிகவும் சுவாரஸ்யமான முறையில் இயக்குனர் அஸ்வின் கூறியுள்ளார். மேலும் படத்தில் நடித்த நடிகர்கள் அனைவரும் தங்களின் சிறப்பான நடிப்பை வெளிப்படுத்தியுள்ளனர்.
குறிப்பாக சிவகார்த்திகேயன் இப்படத்தில் முற்றிலும் மாறுபட்ட நடிப்பை வெளிப்படுத்தியுள்ளார். பொதுவாக தன் படங்களில் கலகலவென பேசி சிரித்து நடித்து வந்த சிவகார்த்திகேயன் இப்படத்தில் சீரியஸாக நடித்திருந்தார். இது படத்தின் மிகப்பெரிய ஹைலைட்டாக அமைந்தது.
கம்பாக் கொடுத்த சிவகார்த்திகேயன்
இந்நிலையில் மாவீரன் படத்தில் முக்கியமான பங்கு வகித்தது தான் விஜய் சேதுபதியின் வாய்ஸ் ஓவர். இந்த வாய்ஸ் ஓவருக்காக படக்குழு ரஜினி முதல் கமல் வரை அனைவரையும் அணுகியது. கடைசியில் விஜய் சேதுபதியை அணுகியபோது அவர் சிவகார்திகேயனுக்காக வாய்ஸ் ஓவர் கொடுக்க சம்மதித்தார்.
மேலும் இந்த வாய்ஸ் ஓவர் கொடுப்பதற்காக விஜய் சேதுபதி சம்பளம் வாங்கவும் மறுத்துவிட்டாராம். இயக்குனர் அஸ்வின் மற்றும் சிவகார்திகேயனுக்காக தான் வாய்ஸ் ஓவர் கொடுத்ததாகவும், இதற்கு சம்பளம் வேண்டாம் எனவும் கூறிவிட்டாராம் விஜய் சேதுபதி.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்த தகவலை கேள்விப்பட்ட ஒட்டுமொத்த கோலிவுட் வட்டாரமும் அசந்துபோய் இருக்கின்றனர். இதுமட்டுமல்லாமல் விஜய் சேதுபதி இதுவரை பல படங்களில் கெஸ்ட் ரோலில் நடித்துள்ளார். அதில் பெரும்பாலான படங்களுக்கு விஜய் சேதுபதி சம்பளமே வாங்கமாட்டாராம். இந்நிலையில் இதைகேள்விப்பட்ட ரசிகர்கள் விஜய் சேதுபதியை புகழ்ந்து வருகின்றனர் என்பது குறிப்பிடத்தக்கது.