Maaveeran: மாவீரன் வெளியான அடுத்த நாளே சிவகார்த்திகேயன் செய்த செயல்..இதெல்லாம் பெரிய விஷயம்பா..!

​எதிர்பார்ப்பில் மாவீரன்சிவகார்த்திகேயனின் நடிப்பில் அஸ்வினின் இயக்கத்தில் உருவான மாவீரன் படத்திற்கு ரசிகர்கள் மத்தியில் மிகப்பெரிய எதிர்பார்ப்பு இருந்து வந்தது. மண்டல என்ற தேசிய விருது பெற்ற படத்தை இயக்கிய இயக்குனருடன் சிவகார்த்திகேயன் இணைகிறார் என்றதும் இப்படம் கண்டிப்பாக வித்யாசமான ஒன்றாக இருக்கும் என எதிர்பார்க்கப்பட்டது. அதன்படி இப்படத்தின் பாடல்கள் மற்றும் ட்ரைலர் ரசிகர்களின் அமோகமான வரவேற்பை பெற்றது. இதன் காரணமாக மாவீரன் படத்திற்கான எதிர்பார்ப்பு பலமடங்கு உயர்ந்தது. இந்நிலையில் மிகப்பெரிய எதிர்பார்ப்பிற்கு மத்தியில் இப்படம் சில நாட்களுக்கு முன்பு திரையில் வெளியானது

​வரவேற்புமிகப்பெரிய எதிர்பார்ப்பிற்கு மத்தியில் வெளியான மாவீரன் திரைப்படம் ரசிகர்களின் எதிர்பார்ப்பை பூர்த்தி செய்துள்ளது என்றுதான் சொல்லவேண்டும். மிகவம் எதார்த்தமான கதைக்களத்தை தேர்ந்தெடுத்து அதை வித்யாசமான திரைக்கதையில் உருவாக்கி ரசிகர்களை ஈர்த்துள்ளார் இயக்குனர் அஸ்வின். மேலும் இப்படத்தில் நடித்த நடிகர்களின் நடிப்பு மிகவும் சிறப்பாக இருந்தது படத்திற்கு கூடுதல் பலமாக அமைந்துள்ளது. சிவகார்த்திகேயன், யோகி பாபு, மிஸ்கின் , சரிதா, அதிதி ஷங்கர் என படத்தில் நடித்த அனைவரும் தங்களின் சிறப்பான நடிப்பை வெளிப்படுத்தியுள்ளனர். குறிப்பாக சிவகார்த்திகேயன் இப்படத்தில் முற்றிலும் மாறுபட்ட வித்யாசமான நடிப்பை வெளிப்படுத்தியுள்ளார். அது ரசிகர்களுக்கு புது வித அனுபவத்தை தந்துள்ளது

​வசூல்மாவீரன் திரைப்படம் சோலோவாக வெளியானாலும் படத்தின் முன்பதிவு எதிர்பார்த்த அளவிற்கு இல்லையாம். இருந்தாலும் படத்தின் மீதான பாசிட்டிவ் விமர்சனங்கள் காரணமாக போக போக ரசிகர்கள் திரையரங்கிற்கு படையெடுக்க துவங்கினார்கள். அதன் காரணமாகவே முதல் ஷோவை காட்டிலும் அடுத்தடுத்த ஷோக்களுக்கு ரசிகர்களின் கூட்டம் அலைமோத துவங்கியது. இந்நிலையில் இப்படம் முதல் நாளில் மட்டும் கிட்டத்தட்ட 8 கோடி வரை வசூலித்துள்ளது. மேலும் படத்திற்கு பாசிட்டிவ் டாக் இருப்பதால் இனி வரும் நாட்களில் வசூல் மேலும் அதிகரிக்கும் என்றே எதிர்பார்க்கப்படுகின்றது.

​சிவகார்த்திகேயனின் அர்ப்பணிப்புசிவகார்த்திகேயன் கடந்த ஒரு வாரமாக மாவீரன் படத்தின் ப்ரோமோஷன் நிகழ்ச்சிகளில் பிசியாக இருந்து வந்தார். தமிழ்நாடு மட்டுமல்லாமல் ஆந்திரா , கேரளா போன்ற மாநிலங்களிலும் மாவீரன் படத்தின் ப்ரோமோஷனுக்காக சென்றிருந்தார் சிவகார்த்திகேயன். இதையடுத்து படம் வெளியான அன்று திரையரங்கிற்கு சென்று ரசிகர்களுடன் படம் பார்த்தார் சிவகார்த்திகேயன். இந்நிலையில் மாவீரன் வெளியான அடுத்த நாளே சிவகார்த்திகேயன் தன் அடுத்த படத்தின் ஷூட்டிங்கில் கலந்துகொண்டுள்ளார். ராஜ்கமல் பிலிம்ஸ் சார்பாக கமல் தயாரிப்பில் ராஜ்குமார் பெரியசாமி இயக்கத்தில் உருவாகும் SK21 படத்தின் ஷூட்டிங்கிற்காக காஷ்மீர் சென்றுள்ளார் சிவகார்த்திகேயன். இதைக்கேள்வி பட்ட ரசிகர்கள் முதல் திரைபிரபலங்கள் வரை சிவகார்த்திகேயனின் அர்ப்பணிப்பை பாராட்டி வருகின்றனர் என்பது குறிப்பிடத்தக்கது

Leave a Comment

This site uses Akismet to reduce spam. Learn how your comment data is processed.