நெல்சன் திலீப்குமார் இயக்கத்தில் ரஜினிகாந்த் நடித்திருக்கும் ஜெயிலர் படம் ஆகஸ்ட் மாதம் 10ம் தேதி ரிலீஸாகவிருக்கிறது. ஜெயிலர் பட வேலையை முடித்த கையோடு தன் மகள் ஐஸ்வர்யாவின் இயக்கத்தில் லால் சலாம் படத்தில் நடித்து வந்தார் ரஜினிகாந்த்.
உதயநிதியை பாராட்டிய பா.ரஞ்சித்…
லால் சலாமில் ரஜினி தொடர்பான காட்சிகளை படமாக்கி முடித்துவிட்டதாக புகைப்படத்துடன் அறிவித்தார் ஐஸ்வர்யா. தொடர்ந்து பிசியாக இருந்து வந்த ரஜினிகாந்த் ஜெயிலர் விளம்பர நிகழ்ச்சிகள் துவங்குவதற்கு முன்பு ஓய்வு எடுக்க மாலத்தீவுகளுக்கு சென்றிருக்கிறார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அவர் விமான நிலையத்தில் நடந்து சென்றபோது எடுக்கப்பட்ட புகைப்படம் வெளியாகியிருக்கிறது. வழக்கம் போன்று எளிமையான உடை, ஒரு பையுடன் சென்றிருக்கிறார்.
அந்த புகைப்படத்தை பார்த்த ரசிகர்களோ, தலைவருக்கு கண்டிப்பாக ஓய்வு தேவை. தொடர்ந்து படப்பிடிப்புகளில் கலந்து கொண்டபோதிலும் அவர் முகத்தில் அந்த சோர்வு தெரியவில்லை. அது தான் தலைவர்.
இந்த வயதிலும் மனிதர் சுறுசுறுப்பாக இருக்கிறார். அவரை பார்த்து கற்றுக்கொள்ள வேண்டும் என்கிறார்கள்.
முன்னதாக லால் சலாம் படப்பிடிப்பு மும்பை, புதுச்சேரி, சென்னை, திருவண்ணாமலையில் நடந்தது. திருவண்ணாமலைக்கு சென்ற ரஜினிகாந்த் அங்கிருக்கும் கோவிலுக்கு சென்று சாமி தரிசனம் செய்தார்.
திருவண்ணாமலை கோவிலுக்கு சென்று ரஜினி சாமி தரிசனம் செய்ய வேண்டும் என்பது மறைந்த நடிகர் மயில்சாமியின் கடைசி ஆசையாகும். அந்த ஆசையை ரஜினிகாந்த் நிறைவேற்றி வைத்துவிட்டார்.
ஜெயிலரை பொறுத்தவரை அந்த படத்தில் வரும் காவாலா பாடல் பட்டிதொட்டி எல்லாம் பிரபலமாகிவிட்டது. காவாலா பாடலுக்கு தமன்னா ஆடியது போன்றே டான்ஸ் ஆடி வீடியோ எடுத்து அதை சமூக வலைதளங்களில் பலரும் வெளியிட்டு வருகிறார்கள்.
ஜெயிலர் படத்தில் ரஜினியின் கெட்டப்பை பார்த்ததுமே ரசிகர்கள் அசந்துவிட்டார்கள். தலைவரை வைத்து நெல்சன் திலீப்குமார் தரமான சம்பவம் செய்திருக்கிறார் என்பது மட்டும் நன்றாகத் தெரிகிறது என்கிறார்கள் ரசிகர்கள்.
இந்நிலையில் ஜெயிலர் பற்றி ஸ்டண்ட் மாஸ்டர் கெவின் கூறியிருப்பதாவது,
படம் பார்க்க தாமதமாக வர வேண்டாம். முதல் ஃபிரேமில் இருந்து படம் பார்க்கவும். நெல்சன் சிறப்பாக இயக்கியிருக்கிறார். ஒவ்வொரு சீனும் நன்றாக இருக்கும் என்றார்.
ஜெயிலர் படத்திற்கு அனிருத் இசையமைத்துள்ளார். இதற்கிடையே ஹுகும் பாடலின் டீஸர் வெளியாகி ரசிகர்களை கவர்ந்துள்ளது. டீஸரில் ஜெயிலர் முத்துவேல் பாண்டியன் கெத்து காட்டியிருக்கிறார்.
ரஜினி வசனம் பேசியிருப்பதை கேட்டே ரசிகர்கள் பரம திருப்தி அடைந்துவிட்டார்கள். கார்த்திக் சுப்புராஜை விட நெல்சன் திலீப்குமார் தீவிர ரஜினி ரசிகராக இருப்பார் போன்று. ஹுகும் டீஸரை பார்த்தாலே தெரிகிறது என்கிறார்கள் ரஜினி ரசிகர்கள்.
Maaveeran Collection: வசூல் வேட்டை நடத்தும் மாவீரன்: நேற்று மட்டும் எத்தனை கோடி தெரியுமா?
ஜெயிலரை அடுத்து ஜெய்பீம் படம் புகழ் ஞானவேல் இயக்கத்தில் தலைவர் 170 படத்தில் நடிக்கவிருக்கிறார் ரஜினி. முன்னதாக தலைவர் 170 படத்துடன் நடிப்புக்கு முழுக்கு போடுகிறார் ரஜினி என்று கூறப்பட்டது. ஆனால் நடிப்பை நிறுத்தும் ஐடியா தற்போதைக்கு இல்லையாம்.
ஞானவேல் படத்தை அடுத்து லோகேஷ் கனகராஜ் இயக்கத்தில் தலைவர் 171 படத்தில் நடிக்கிறார் ரஜினி என்பது குறிப்பிடத்தக்கது.