தமிழ் சினிமாவில் பல கூட்டணிகளில் படங்கள் தொடங்கி நிறுத்தப்படும் சம்பவங்கள் நடப்பது வழக்கமான ஒன்று. அண்மையில் கூட பாலா இயக்கத்தில் உருவான ‘வணங்கான்’ பட ஷுட்டிங் சமயத்தில் திடீரென படத்திலிருந்து விலகினார் சூர்யா. இந்த சம்பவம் ரசிகர்களிடையே பெரும் அதிர்ச்சியை ஏற்படுத்தியது. அதே போல் ரசிகர்கள் மத்தியில் பெரும் எதிர்பார்ப்பை கிளப்பி டிராப் ஆன படம் அஜித், விக்னேஷ் சிவன் கூட்டணியில் உருவாகவிருந்த ‘ஏகே 62’.
அஜித் ‘துணிவு’ படத்தில் நடித்து கொண்டிருந்த சமயத்திலே ‘ஏகே 62’ படம் குறித்த அறிவிப்பு வெளியானது. லைகா நிறுவனத்தின் தயாரிப்பில் விக்னேஷ் சிவன் இயக்கத்தில் அஜித் நடிப்பில் இந்தப்படம் உருவாகவுள்ளதாக அறிவிப்பு வெளியானது. மேலும் அனிருத் இசையமைப்பதாகவும் கூறப்பட்டது. ரசிகர்கள் மத்தியில் இந்த கூட்டணி பெரும் எதிர்பார்ப்பினை கிளப்பியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
விஜய் சேதுபதி, நயன்தாரா, சமந்தா நடிப்பில் வெளியான ‘காத்து வாக்குல ரெண்டு காதல்’ படத்திற்கு பிறகு விக்னேஷ் சிவன் இயக்கும் படமாக ‘ஏகே 62’ இருந்தது. அத்துடன் அஜித், விக்னேஷ் சிவன் கம்போவில் உருவாகும் படம் எப்படியிருக்கும் என்பதை அறிய ரசிகர்கள் ஆர்வமுடன் காத்திருந்தனர். இந்நிலையில் திடீரென விக்கியின் கதை தயாரிப்பு தரப்பிற்கு பிடிக்காததால் விக்னேஷ் சிவன் இந்தப்படத்திலிருந்து விலகினார்.
Leo: இன்னும் இதுமட்டும் தான் பாக்கி: அடேங்கப்பா.. ‘லியோ’ படக்குழுவின் பக்காவான பிளான்.!
இதனால் ரசிகர்கள் கடும் அதிர்ச்சியடைந்தனர். இதனையடுத்து தான் இந்தப்படத்தை இயக்கும் வாய்ப்பினை மகிழ் திருமேனி கைப்பற்றினார். ‘விடாமுயற்சி’ என்ற டைட்டில் வைக்கப்பட்டு ‘ஏகே 62’ படத்தினை மகிழ் திருமேனி இயக்கவுள்ளதாக கடந்த மே மாதம் அறிவிக்கப்பட்டது. விரைவில் இதன் ஷுட்டிங் துவங்கவுள்ளதாக கூறப்படுகிறது.
இந்நிலையில் விக்கி, அஜித் கூட்டணியில் உருவாகவிருந்த ‘ஏகே 62’ படம் குறித்து தற்போது நடிகர் சந்தானம் பகிர்ந்துள்ள தகவல் இணையத்தில் வைரலாகி வருகிறது. இது தொடர்பாக பேசிய அவர், இந்தப்படத்தில் காமெடி, சீரியஸ் கலந்த கதாபாத்திரத்தில் இந்தப்படத்தில் நடிக்க கமிட் ஆனதாகவும், படத்தில் தன்னுடைய கேரக்டர் மிகவும் பிடித்து போய் ஓகே சொன்னதாகவும் தெரிவித்துள்ளார்.
Maaveeran: விஜய் சேதுபதியுடன் நடிக்க காத்திருக்கிறேன்: ‘மாவீரன்’ சிவகார்த்திகேயன்.!
‘ஏகே 62’ படம் துவங்கும் போது சர்ப்ரைஸ் ஆக இதற்கான அறிவிப்பை வெளியிடலாம் என நினைத்ததாகவும், ஆனால் அந்தப்படம் டிராப் ஆகி விட்டதாகவும், அந்தப்படத்தில் வித்தியாசமான சந்தானத்தை பார்த்திருக்கலாம் என்றும் கூறியுள்ளார்.
இந்த தகவல் சோஷியல் மீடியாவில் வைரலாகி வரும் நிலையில், இப்படியொரு கேரக்டரில் சந்தானத்தை பார்க்க முடியாமல் போய் விட்டதே என ரசிகர்கள் வருத்தத்துடன் கமெண்ட் அடித்து வருகின்றனர். சந்தானத்தின் ‘டிடி ரிட்டன்ஸ்’ படம் வரும் 28 ஆம் தேதி வெளியாகவுள்ளது. இதற்கான புரமோஷனில் சந்தானம் மும்முரமாக ஈடுபட்டு வருவது குறிப்பிடத்தக்கது.