தமிழ் சினிமாவின் உச்ச நட்சத்திரமாக திகழ்பவர் சூப்பர்ஸ்டார் ரஜினிகாந்த். இவரின் ஒவ்வொரு படங்களின் ரிலீசையும் திருவிழா போல் கொண்டாடுவார்கள் ரசிகர்கள். அதே போல் ரஜினி படங்களின் ஆடியோ வெளியீட்டு விழாக்களில் அவர் பேசும் பேச்சை கேட்பதில் ரசிகர்களுக்கு அலாதி இன்பம். அந்த வகையில் தற்போது ரஜினி நடித்து வரும் ‘ஜெயிலர்’ படத்திற்கான ஆடியோ லான்ச் எப்போது நடக்கும் என்று ரசிகர்கள் பெரும் எதிர்பார்ப்புடன் காத்திருக்கின்றனர்.
ரஜினி நடிப்பில் கடைசியாக ‘அண்ணாத்த’ படம் வெளியாகியிருந்தது. சிறுத்தை சிவா இயக்கத்தில் பேமிலி டிராமாவாக இந்தப்படம் வெளியாகியிருந்தது. வசூலில் ‘அண்ணாத்த’ மாஸ் காட்டினாலும் ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. இதனையடுத்து தான் தற்போது ‘ஜெயிலர்’ படத்தில் நடித்து முடித்துள்ளார் ரஜினி.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கிட்டத்தட்ட ஒன்றரை ஆண்டுகளுக்கு பிறகு வெளியாகும் படம் என்பதால் ஜெயிலருக்கு ரசிகர்கள் மத்தியில் மிகுந்த எதிர்பார்ப்பு நிலவி வருகிறது. இந்தப்படத்தின் இயக்குனர் நெல்சன் திலீப்குமார் தனது முந்தையை படங்களை போல் அல்லாமல் ஜெயிலரில் ஆக்ஷன் காட்சிகளுக்கு அதிக முக்கியத்துவம் கொடுத்து இயக்கியுள்ளார். இதன் முழு படப்பிடிப்பும் நிறைவடைந்ததை தற்போது தொடர் அப்டேட்களை வெளியிட்டு வருகின்றனர் படக்குழுவினர்.
முன்னதாக ‘ஜெயிலர்’ படத்தின் முதல் அப்டேட்டாக ‘காவாலா’ என்ற பாடல் வெளியானது. அனிருத் இசையில் தமன்னாவின் கிளாமர் டான்ஸில் வெளியான இந்தப்பாடல் தற்போது வரை டிரெண்டிங்கில் கலக்கி வருகிறது. இதனையடுத்து ‘ஹுக்கும்’ என்ற செகண்ட் சிங்கிள் வெளியானது. ரஜினியின் மாஸான டையலாக்குகளுடன், சூப்பர் ஸ்டாருக்கான பில்டப்பான வரிகளுடன் ரிலீசான இந்தப்பாடல் ரஜினி ரசிகர்கள் மத்தியில் அமோக வரவேற்பினை பெற்றது.
Kanguva: ‘கங்குவா’ லுக்கில் மிரள வைக்கும் சூர்யா: தொடரும் சஸ்பென்ஸ்.!
இந்நிலையில் ‘ஜெயிலர்’ படத்தின் ஆடியோ லான்ச் குறித்த தரமான அப்டேட் தற்போது வெளியாகியுள்ளது. இதற்காக சன் பிக்சர்ஸ் நிறுவனம் மாஸான வீடியோ ஒன்றை வெளியிட்டு விரைவில் இசை வெளியீட்டு விழா நடைபெற இருப்பதாக அதிரடியான அறிவிப்பை வெளியிட்டுள்ளது. இந்த ஆடியோ லான்ச் பிரம்மாண்டமாக நடைபெறும் என கூறப்படுகிறது. இதனால் ரசிகர்கள் மத்தியில் எக்கச்சக்கமான எதிர்பார்ப்பு நிலவி வருகிறது.
ஆகஸ்ட் 10 ஆம் தேதி வெளியாகவுள்ள ‘ஜெயிலர்’ படத்தில் ரம்யா கிருஷ்ணன், தமன்னா, வசந்த் ரவி, விநாயகன், யோகி பாபு, மிர்னா உள்ளிட்ட பலர் இணைந்து நடித்து வருகின்றனர். மேலும் இந்தப்படத்தில் கன்னட சூப்பர் ஸ்டார் சிவராஜ்குமார், மலையாள பிரபலம் மோகன்லால், பாலிவுட் பிரபலம் ஜாக்கி ஷெரப், தெலுங்கு நடிகர் சுனில் உள்ளிட்ட பல மொழிகளை சார்ந்த பிரபலங்கள் இணைந்து நடித்து வருவது குறிப்பிடத்தக்கது.
Ayalaan: மாவீரன் வெற்றி.. ‘அயலான்’ படம் குறித்த சூப்பரான அப்டேட் கொடுத்த எஸ்கே: அடுத்த சம்பவம்.!