விஜய்யின் நடிப்பில் லோகேஷ் கனகராஜின் இயக்கத்தில் உருவாகும் லியோ திரைப்படம் தற்போது இறுதிக்கட்டத்தை எட்டியுள்ளது. மாஸ்டர் படத்திற்கு பிறகு மீண்டும் இக்கூட்டணி இணைந்துள்ளதாலும், இப்படம் முழுக்க முழுக்க லோகேஷின் ஸ்டைலிலேயே உருவாக இருப்பதாலும் இப்படத்தின் மீது மிகப்பெரிய எதிர்பார்ப்பு இருந்து வருகின்றது.
மேலும் இப்படத்தில் த்ரிஷா, மன்சூர் அலி கான், அர்ஜுன், சஞ்சய் தத் என மிகப்பெரிய நட்சத்திர பட்டாளமே நடித்து வருகின்றனர். லோகேஷின் முந்தைய படமான விக்ரம் படத்தை போல இப்படமும் ஒரு மல்டி ஸ்டாரர் படமாக உருவாகி வருவது கூடுதல் சிறப்பாக பார்க்கப்படுகின்றது.
கடைசி நாள் படப்பிடிப்பு
இதைத்தவிர படத்தில் பல சிறப்பான விஷயங்கள் இருப்பதாகவும், அதெல்லாம் படம் வெளியான பின்னர் தெரியவரும் என லோகேஷ் கூறியுள்ளார். இந்நிலையில் கடந்த ஜனவரி மாதம் துவங்கப்பட்ட இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது. விரைவில் போஸ்ட் ப்ரொடக்ஷன் வேலைகள் விறுவிறுப்பாக நடைபெற இருக்கின்றது.
முதல் முறையாக இணைந்து நடிக்கும் சூர்யா – கார்த்தி..இயக்குனர் யார் தெரியுமா ?
மேலும் இப்படத்தில் இருந்து கடந்த மாதம் விஜய்யின் பிறந்தநாளை முன்னிட்டு நா ரெடி என்ற பாடல் வெளியாகி மாஸ் ஹிட்டடித்துள்ளது. என்னதான் இப்பாடல் சில சர்ச்சைகளை ஏற்படுத்தினாலும் மறுபக்கம் யூடியூபில் பல சாதனைகளை செய்து வருகின்றது.
இந்நிலையில் சமீபத்தில் லியோ படத்தின் படப்பிடிப்பு முடிவடைந்தது. மேலும் விஜய்யின் கடைசி நாள் படப்பிடிப்பில் அவருடன் புகைப்படம் எடுத்துக்கொள்ள ஒட்டுமொத்த படப்பிடிப்பும் ஆவலாக காத்துக்கொண்டிருந்தார்களாம். பொதுவாக கடைசி நாள் படப்பிடிப்பில் ஒட்டுமொத்த படக்குழுவும் ஒரு க்ரூப் போட்டோ எடுத்துக்கொள்வது வழக்கமான ஒன்றுதான்.
சட்டென கிளம்பிய விஜய்
அந்த வகையில் லியோ படத்தில் பணியாற்றிய கலைஞர்கள் அனைவரும் விஜய்யுடன் புகைப்படம் எடுத்துக்கொள்ள ஆசையாக காத்துக்கொண்டிருக்க விஜய் தன் படப்பிடிப்பை முடித்துவிட்டு சட்டென காரில் ஏறி சென்றுவிட்டாராம். இதைப்பார்த்த ஒட்டுமொத்த படக்குழுவிற்கும் ஷாக்காக இருந்ததாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அவருடன் புகைப்படம் எடுத்துக்கொள்ளலாம் என இருந்தால் விஜய் சட்டென கிளம்பிவிட்டாரே என படக்குழுவினர் ஏமாற்றத்தில் இருக்கின்றனர். இருந்தாலும் விஜய்க்கு அந்த நேரத்தில் வேறு ஏதேனும் வேலை இருந்திருக்கும் என்றும், மற்றொரு நாள் கண்டிப்பாக விஜய் படக்குழுவினருடன் புகைப்படம் எடுத்துக்கொள்வார் என்றும் தகவல்கள் வருகின்றன.
இந்நிலையில் தற்போது லியோ படத்தின் இதர படப்பிடிப்புகளும் முடிவடைந்து போஸ்ட் ப்ரொடக்ஷன் வேலைகள் விறுவிறுப்பாக துவங்க இருப்பது குறிப்பிடத்தக்கது.